प्रेमभंग झाल्याने फेसबुकवर पोस्ट लिहून आत्महत्या

crime
crime

शहापूर : प्रेयसीकडून प्रियकराचा प्रेमभंग झाल्याप्रकरणी शहापुरातील एका 28 वर्षीय तरुणाने जीवनयात्रा संपवल्याची धक्कादायक घटना घडली आहे. तरुणाने आत्महत्या करण्यापूर्वी चक्क फेसबुकवर आपण प्रेमभंग झाल्याने आत्महत्या करत असल्याचा मॅसेज व्हायरल केला. यात त्याने थेट प्रेयसीला जबाबदार धरले आहे.

तालुक्यातील किन्हवली पोलिस ठाण्याचे हद्दीतील अस्नोली येथील राजेश हरी दिनकर या 28 वर्षीय तरुणाने प्रेम प्रकरणातून आत्महत्या केली. अंबरनाथ येथील एलजी कंपनीत कामाला असलेल्या राजेशचे मागील दोन वर्षांपासुन तरुणीसोबत प्रेम प्रकरण असल्याचे बोलले जात असुन प्रेयसीकडुन प्रियकर राजेशचा प्रेमभंग झाल्याने त्याने विष पिऊन आत्महत्या केल्याचा प्राथमिक अंदाज वर्तविण्यात येत आहे.

आत्महत्येपूर्वी राजेश याने सोशल मिडीयावर प्रेयसी सोबतचा केक कापतानाचा फोटो व्हायरल केला असुन त्यासोबत त्याने प्रेम भंगातुन आत्महत्या करत असल्याचे सांगत प्रेयसीला जबाबदार धरले आहे. याबाबत किन्हवली पोलिस ठाण्यात आकस्मित मृत्युची नोंद करण्यात आली. राजेशचा मृतदेह शवविच्छेदनाकरिता शहापूर उपजिल्हा रुग्णालयात दाखल करण्यात आला आहे. या घटनेचा पुढील तपास पोलिस करत आहेत.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com