इन्स्पायर अवार्ड : नांदेड जिल्हा मराठवाड्यात प्रथमस्थानी

file photo
file photo

नांदेड : भारत सरकारच्या विज्ञान तंत्रज्ञान विभागाकडून इयत्ता सहावी वी ते 10 वीच्या वर्गात शिकत असलेल्या सर्व व्यवस्थापनाच्या व सर्व माध्यमांच्या शाळांतील विद्यार्थ्यांसाठी इन्स्पायर अवार्ड योजना प्रतिवर्षी राबविण्यात येते. राज्यस्तरावर निवड होणाऱ्या विद्यार्थ्यास 10 हजार रुपये शासनाकडून डीबीटीद्वारे संबंधित विद्यार्थ्यांच्या खात्यावर जमा करण्यात येते. यावर्षी नांदेड जिल्ह्यात एकूण 886 विद्यार्थ्यांनी नामांकने ऑनलाईन दाखल केलेले असून नामांकने दाखल करण्यात नांदेड जिल्हा मराठवाड्यात प्रथमस्थानी आहे तर राज्यात 13 व्या स्थानी आहे.

विद्यार्थ्यांची ऑनलाईन नामांकने सादर करण्यात गणित, विज्ञान शिक्षक, प्राचार्य / मुख्याध्यापक केंद्रप्रमुख, शिक्षण विस्तार अधिकारी तसेच गटशिक्षणाधिकारी, विज्ञान पर्यवेक्षक माधव बाजगीरे, उपशिक्षणाधिकारी माधव सलगर, श्री मठपती, श्री अमदुरकर, शिक्षणाधिकारी कुंडगीर बी. आर., प्रशांत दिग्रसकर या सर्वांनी या योजनेची परिणामकारक अंमलबजावणी केली आहे. त्यामुळे नांदेड जिल्ह्याचा मराठवाड्यात प्रथम क्रमांक आला आहे. त्याबद्दल सर्व विद्यार्थी शिक्षक, मुख्याध्यापक, केंद्रप्रमुख, विस्तार अधिकारी, गटशिक्षणाधिकारी यांचे शिक्षण सभापती संजय बेळगे, शिक्षणाधिकारी बालासाहेब कुंडगीर यांनी अभिनंदन केले आहे.

केळी पीक संरक्षणासाठी कृषि संदेश

नांदेड : केळी पिकासाठी किड व रोग सर्वेक्षण व सल्ला प्रकल्पाचे काम प्रगतीपथावर असुन केळी पिक संरक्षणासाठी पुढीलप्रमाणे कृषि संदेश देण्यात आला आहे.

केळी पिकावरील ठिपके आढळुन आल्यास रोगग्रस्त पाने किंवा पानाचा भाग काढुन टाकावे व बागेबाहेर आणुन नष्ट करावा. बागेत वाळलेली पाने झाडावर लटकणारी काढुन टाकावेत. केळीची बाग स्वच्छ व तणविरहीत ठेवावी, असे आवाहन उपविभागीय कृषि अधिकारी आर. टी. सुखदेव यांनी केले आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com