नांदेड : अर्धापुरात दत्त नामाचा गजर; जयंती सोहळा उत्साहात..

अर्धापूर ( जिल्हा नांदेड ) : शहरासह तालुक्यातील दत्त नामाचा गजर करित दत्त जयंती सोहळा मंगळवारी (ता. 29 ) उत्साहात साजरा करण्यात आला.दिगंबरा दिगंबरा श्रीपाद वल्लभ दिगंबराच्या नाम घोषणाने मंदिर दणानून गेले. जयंती सोहळ्याचे औचित्य साधून विविध धार्मिक कार्यक्रमांचे आयोजन करण्यात आले होते. शहरासह तालुक्यात झालेल्या दत्त जयंती सोहळ्यास दत्त भक्तांची खूप मोठी गर्दी झाली होती.

अर्धापूर शहरातील बालाजी मंदिर, विठ्ठल मंदिर, किसन बापू आश्रमात दत्त जयंती सोहळ्याचे आयोजन करण्यात आले होते. या निमित्ताने दत्त जन्माच्या आध्यायाचे पठण करुन दत्त जन्मोत्सव व आरती, महापुजा करण्यात आली.शहरातील विविध विविध ठिकाणी झालेल्या जन्मोत्सव सोहळ्यास भाविकांनी खुप मोठा प्रतिसाद दिला. 

हेही वाचा -  सशस्त्रसेना ध्वजनिधीस या क्युआर कोडद्वारे देता येईल देणगी- जिल्हाधिकारी डॉ. विपीन -

तालुक्यातील देळूब, पार्डी, मेंढला, लोण आदी गावातील दत्त मंदिरात दत्त जन्मोत्सव सोहळ्याचे आयोजन करण्यात आले होते. मंदिरास फुलांनी सजवण्यात आले होते.जन्मोत्सवा निमित्ताने विविध धार्मिक कार्यक्रमाचे आयोजन करुन भक्तीमय वातावरणात जन्मोत्सव साजरा करण्यात आला. दत्त नामाच्या गजराने भक्तीमय वातावरण निर्माण झाले होते. देळूब येथील दत्ता जन्मोत्सव हा तालुक्यासह जिल्हात प्रसिद्ध आहे. या निमित्ताने विविध कार्यक्रमसह यात्रेचे आयोजन करण्यात येते. ही यात्रा बैलगाडीची यात्रा म्हणून ओळखण्यात येते. या यात्रेला पंचक्रोशील भक्त आजही दर्शनासाठी बैलगाडीतून येतात.

संपादन- प्रल्हाद कांबळे