नांदेड : शनिवारी एकही पॉझिटिव्ह रुग्णांची नोंद नाही

नांदेड : जिल्ह्यात मागील काही दिवसापासून कमी जास्त होत असलेल्या कोरोनाबाधित रुग्णांची संख्या एकदम शुन्यावर आली आहे. शनिवारी (ता.१६) प्राप्त झालेल्या ६६४ अहवालापैकी ६६१ अहवाल निगेटिव्ह प्राप्त झाले आहेत. यात एकही पॉझिटिव्ह रुग्ण आढळला नाही. जिल्ह्यात आजवर एकूण बाधितांची संख्या ९० हजार ३५२ एवढी झाली असून यातील ८७ हजार ६८० रुग्णांना रुग्णालयातून सुट्टी देण्यात आली आहे. आजच्या घडीला २० रुग्ण उपचार घेत असून तीन बाधितांची प्रकृती अतिगंभीर आहे.

शासकीय वैद्यकीय महाविद्यालय विष्णुपुरी येथील एका कोरोना बाधिताला औषधोपचारानंतर सुट्टी देण्यात आली आहे.

आज २० कोरोनाबाधित रुग्णांवर औषधोपचार सुरु आहेत. यात शासकीय वैद्यकीय महाविद्यालय विष्णुपुरी- चार, नांदेड मनपा अंतर्गत गृह विलगीकरण -१६ व्यक्ती उपचार घेत आहेत.

नांदेड कोरोना मीटर

एकूण पॉझिटिव्ह :

९० हजार ३५२

एकूण कोरोनामुक्त :

८७ हजार ६८०

एकूण मृत्यू: दोन हजार ६५२

शनिवारी पॉझिटिव्ह : शून्य

शनिवारी कोरोनामुक्त : एक

शनिवारी मृत्यू : शुन्य

उपचार सुरु : २०

अतिगंभीर प्रकृती : तीन