पारोळा महामार्गावर अपघात; दोन ठार, एक गंभीर 

पारोळा ः येथील सत्यनारायण मंदिराजवळ शेवगे प्र.ब येथून पारोळ्याकडे येणाऱ्या मोटरसायकलला जळू (ता. एरंडोल) येथील पिक अप जीपने धडक दिल्याने त्यात दोन ठार तर महिला गंभीर जखमी झाल्याची घटना आज दुपारी चार वाजेच्या सुमारास घडली. या घटनेमुळे महामार्गावर वाहतुक जाम झाली होती. 

मिळालेल्या माहितीनूसार, महिला मीराबाई राजेंद्र महाजन हे आपले पती राजेंद्र धर्मा महाजन व तामसवाडी येथील कारागीर विजय नान्हू बेलदार हे पारोळा येथे दातांच्या उपचारासाठी मोटरसायकल (क्रमांक एमएच 19 डब्लू 9646) ने पारोळा कडे जात होते. यावेळी समोरून येणारी पिकअप जीप क्रमांक एमएच 19 बी.एम. 3327 ने ओव्हरटेकच्या नादात मोटरसायकलला जोरदार धडक दिली. यात राजेंद्र धर्मा महाजन व विजय बेलदार हे जागीच ठार झाले. तर मीराबाई यांना पायास व डोक्‍यास जबर मार लागल्याने त्यांना पारोळा येथे डॉ. योगेश साळुंखे यांनी प्राथमिक उपचार केले त्यांना जबर मार लागल्याने रुग्णवाहिका चालक ईश्वर ठाकूर यांनी त्यांना धुळे येथे हलविले. 

14-1 
दातांचा उपचाराठी जातांना काळाचा घाला 
महाजन कुटुंब हे विजय बेलदार यांचेसह मोटरसायकल वर ट्रिपल सीट बसून पारोळा येथे दाताच्या उपचारासाठी जात होते. सत्यानारायनण मंदिरासमोर त्यांच्या मोटरसायकल ला पिक अप ने जोरदार धडक दिल्याने यात दोन्ही पुरुषांचा मृत्यू होवून महिला गंभीर जखमी झाली. 
अपघात घडल्या नंतर आजू बाजूच्या शेतातील शेतकरी, वाहन चालक यांनी धाव घेत पोलिसांना माहिती देत मयताना बाहेर काढले यावेळी दोन्ही मयत हे पिक अपच्या मधोमध अडकल्याने ग्रामस्थांनी पिक अपला उलटी करून त्यांना बाहेर काढले तर गंभीर जखमी मीराबाईला त्वरित दुसऱ्या वाहनाने रुग्णालयात हलविले.