चार वर्षांत ऍट्रॉसिटीचे या जिल्ह्यात तब्बल एवढे गुन्हे दाखल

कोल्हापूर - जिल्ह्यात गेल्या चार वर्षात ऍट्रॉसिटी अंतर्गत 253 गुन्हे दाखल झाले. उपअधीक्षक दर्जाच्या अधिकाऱ्यांमार्फत याबाबतचा गतीने तपास करण्याचे काम सुरू असल्याचे चित्र आहे. त्याचप्रमाणे 80 टक्‍क्‍यांच्या घरात आहे. 

हे पण वाचा -  शक्तीपेक्षा युक्ती श्रेष्ठ, महिलांच्या स्वसंरक्षणाची अशी आहे गुरूकिल्ली

जिल्ह्यात ऍट्रॉसिटी (जातीवाचक शिवीगाळ) अंतर्गत दाखल होणारे गुन्हे हे अनुसूचित जाती अनुसूचित जमाती (अत्याचार प्रतिबंधक) 1989 सुधारणा 2015 या कलमांतर्गत दाखल होतात. तक्रारदाराला वेळेत न्याय मिळण्यासाठी या गुन्ह्यांचा तपास उपअधीक्षक दर्जाच्या अधिकाऱ्यांमार्फत केला जातो. 

हे पण वाचा - Video : पैलवानांच्या ताकदीचे काय आहे रहस्य ? जाणून घ्या...

जिल्ह्यात 2016 ते 2019 या चार वर्षांत 253 गुन्हे दाखल झाले. या गुन्ह्यांचा वेळेत तपास करून यापैकी 203 गुन्ह्यांच्य दोषारोपपत्र न्यायालयात दाखल करण्यात आली आहेत. तपासाचे प्रमाण हे सरासरी 80 टक्के इतके आहे. जिल्ह्यात गेल्या दोन वर्षात गडहिंग्लज उपविभागात सर्वात कमी 14 गुन्हे त्यापाठोपाठ 16 गुन्ह्यांची नोंद असणारा कोल्हापूर शहर विभागाचा क्रमांक लागतो. जयसिंगपूर येथे सर्वाधिक 38 गुन्ह्यांची नोंद झाली. 

वर्ष      दाखल गुन्हे        दोषारोपपत्र दाखल 
2016     55                  44 
2017      55                 45 
2018      73                 64 
2019      70                 50 
एकूण       253               203 

उपविभागानुसार दोन वर्षातील दाखल गुन्हे 
विभाग        सन 2018    सन 2019 
शहर           06               10 
करवीर         16               09 
शाहूवाडी      10              19 
जयसिंगपूर      20           18 
इचलकंरजी      16          05 
गडहिंग्लज         05        09 

एकूण              73          70