आकर्षण थ्रीडी डेकोरेशनचे... बाप्पांच्या सजावटीला चढणार साज!

Attractions of 3D decoration ... decorations to climb Bappa's decoration!
Attractions of 3D decoration ... decorations to climb Bappa's decoration!

कोल्हापूर :  गणेशोत्सवात घरोघरी काय आरास करायची, असा प्रश्‍न घरातील आबालवृद्धांना पडतो. दरवर्षी नवी सजावट करण्याकडे सर्वांचाच कल असतो. यंदा या सजावटीला साज चढवणारे थ्रीडी डेकोरेशन लक्षतीर्थ वसाहतीतील रोहन रेडेकर यांनी साकारले आहे. विविध डिझाईन्स, नक्षी असलेल्या या थ्रीडी डेकोरेशनचे सर्वांनाच आकर्षण लागून राहिले आहे.

रेडेकर लहान मुलांसाठी मोफत अभ्यासिका, बालग्रंथालय चालवतात. कोरोनाच्या संसर्ग रोखण्यासाठी जाहीर केलेल्या लॉकडाऊनमध्ये त्यांना भरपूर मोकळा वेळ मिळाला. यावेळेचा सदुपयोग करत रेडेकर यांनी थ्रीडी डेकोरेशनची माहिती इंटरनेट, व्हिडीओंद्वारे मिळवली. लॉकडाउनमध्ये शिथिलता आल्यानंतर त्वरित त्यांनी यासाठी लागणारे साहित्य घेतले आणि थ्रीडी डेकोरेशनचा एक प्रयोग करून पाहिला. तो यशस्वीही झाला. या सजावटीच्या विविध संकल्पना कशा असतील, याचा विचार केला. त्या अनुषंगाने विविध चित्रे काढली. त्याच्या प्रतिकृती तयार करणारा या चित्रांच्या प्रिंट मारल्या आणि हुबेहुब ते ठिकाण डोळ्यासमोर येईल, अशी सजावट केली. 

गणेशोत्सवात घरगुती सजावटीसाठी बाजारात विविध मकर मिळतात. मात्र, काही मोठ्या मकरांमध्ये गणेशमूर्तींची पूजा करणे शक्‍य होत नाही. याचाच विचार करून त्यांनी या थ्रीडी मकराची उंची पाच फुट व लांबी सहा इंच इतकी ठेवली. हे थ्रीडी मकर करण्यासाठी त्यांना एक दिवसाचा कालावधी लागतो. 

या आहेत डिझाईन्स 
प्राचिन मंदिरे, श्री अंबाबाई मंदिरातील प्रभावळ, जंगल आणि विविध झाडांच्या प्रतिकृती 

लॉकडाउनमध्ये नवीन काही शिकावे अशी इच्छा होती. यावेळेत थ्रीडी मकर बनविण्याची माहिती घेतली. सध्या मी पाच ते सात प्रकारची मकरे तयार केली आहेत. ती थ्रीडी असल्यामुळे त्याला पसंतीही मिळत आहे. 
रोहन रेडेकर 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com