कोल्हापुरात 102 रुग्णांचे अहवाल कोरोना पॉझिटिव्ह ; शेंडा पार्कमधील तपासणी बंद

कोल्हापूर - आज दिवसभरात 102 रुग्णांचे अहवाल कोरोना पॉझिटीव्ह आले आहेत.

जिल्ह्यातील चार खाजगी रुग्णालयाकडून तपासणीचे अहवाल प्राप्त झाले. शेंडा पार्क येथील सुक्ष्मजीवशास्त्र विभागाच्या प्रयोगशाळेचे निर्जंतुकीकरण करण्यात येत असल्याने एक दिवस येथे होणारी चाचणी बंद ठेवण्यात आली आहे. मात्र, खासगी प्रयोगशाळेत स्वॅबची तपासणी सुरु असल्याने अहवाल प्रलंबित नाहीत, अशी माहिती मुख्य कार्यकारी अधिकारी अमन मित्तल यांनी आज दिली.

उद्या, 8 ऑगस्ट पासून शेंडा पार्क येथील प्रयोगशाळेत अहवाल तपासणीचे पूर्ववत काम सुरु होणार आहे. या ठिकाणी नवीन मशीन आणि किट आल्याने तेथील क्षमता दिड हजार चाचण्यांपर्यंत वाढविण्याचा प्रयत्न आहे.