प्रेमविवाहातून दोन कुटुंबांमध्ये राडा : ३ महिलांसह ७ जण जखमी

मुरगूड (कोल्हापूर)  : प्रेमविवाह केल्याच्या कारणावरून कागल तालुक्‍यातील कुरुकली व मळगे खुर्द येथे दोन गटांत काठी व कुऱ्हाडीने झालेल्या हाणामारीत ३ महिलांसह ७ जण जखमी झाले. २४ जणांवर मुरगूड पोलिसांत गुन्हा दाखल झाला आहे.

पोलिसांतून मिळालेली माहिती अशी, कुरुकली (ता. कागल) येथील प्रकाश बाबूराव कांबळे (वय ५२) यांच्या मुलीने काही दिवसांपूर्वी गावातील रवींद्र महादेव कांबळे याच्याशी प्रेमविवाह केला. यावरून गुरुवारी (ता. ८) दुपारी कुरुकलीत दोन कुटुंबात मोठा वाद झाला. दोन्ही कुटुंबे मळगे खुर्दमधील नातलगांसह मुरगूड पोलिस ठाण्यात आली. पोलिसांनी समेट घडवण्याचा प्रयत्न केला;

पण प्रेमविवाह आणि पोलिस ठाण्यास तक्रार दिल्याच्या रागातून पुन्हा रात्री ८ वाजता मळगे खुर्द येथे नातेवाइकांमध्ये काठ्या-कुऱ्हाडीने मारामारी झाली. यात दत्तात्रय बंडू साबळे याने नारायण अशोक कांबळे यांच्या डोकीत कुऱ्हाडीने घाव गातला. सुशील दतात्रय साबळे, बाबूराव पांडुरंग साबळे, विशाल पांडुरंग साबळे व संभाजी शिवाजी माने (सावर्डे बुद्रुक) यांनी बाबूराव लक्ष्मण साबळे यांना काठीने माराहाण केली. तसेच ऋषिकेश चंद्रकांत साबळे व नितीन चंद्रकांत साबळे यांनी आसावरी संजय साबळे व स्नेहा संजय साबळे (सर्व मळगे खुर्द) यांचे कपडे फाडण्याचा प्रयत्न करून झोंबाझोंबी करून अश्‍लील वर्तन केले. याशिवाय इतर अनोळखी आरोपींनी काठ्यांनी मारहाण करीत 
शिवीगाळ केली. फिर्यादी प्रकाश बाबूराव कांबळे, शोभा प्रकाश कांबळे (कुरुकली), नारायण अशोक कांबळे, बाबूराव लक्ष्मण साबळे, सौरभ बाबूराव साबळे, आसावरी संजय साबळे, स्नेहा संजय साबळे (मळगे खुर्द) हे सात जण जखमी झाले.

हेही वाचा- शाळा बंद, खासगी शिकवणी सुरू -

प्रकाश बाबूराव कांबळे (कुरुकली) यांच्या फिर्यादीनुसार दतात्रय बंडू साबळे, चंद्रकांत श्रीपती साबळे, पांडुरंग बच्चाराम साबळे, सुशील दतात्रय साबळे, बाबूराव पांडुरंग साबळे, विशाल पांडुरंग साबळे, ऋषिकेश चंद्रकांत साबळे, नितीन चंद्रकांत साबळे, तानाजी गणपती साबळे, शुभम तानाजी साबळे (सर्वजण मळगे खुर्द), महादेव सदाशिव कांबळे, रवींद्र महादेव कांबळे (कुरुकली), संभाजी शिवाजी माने (सावर्डे बुद्रुक), दतात्रय साबळे (केनवडे ता. कागल) यांचा येथील मेहुणा यांच्यासह इतर ८ ते १० नातेवाईकांविरोधात गुन्हा दाखल केला. तपास पोलिस उपनिरीक्षक किशोर खाडे व पोलिस हेड कॉन्स्टेबल नलवडे करीत आहेत.

संपादन -अर्चना बनगे