कोरोनामुळे भाविक मुकले स्नानाच्या पर्वणीला

नृसिंहवाडी  ः श्री क्षेत्र नृसिंहवाडी येथे आज या मोसमातील पहिला उतरता दक्षिणद्वार सोहळा झाला. दुपारी कृष्णा नदीतील पाणी उत्तरेकडून दक्षिणेकडे वाहत पाण्याची पातळी कमी झाली त्यालाच उत्तर-दक्षिण सोहळा असे म्हणतात. 
5 ऑगस्टला रात्री मोसमातील पहिला दक्षिणद्वार सोहळा झाला होता. कोरोनाच्या पार्श्वभूमीवर चार महिन्यांपासून दत्त मंदिर बंद असल्यामुळे भाविकांना स्नानसोहळ्याचा आनंद घेता आला नाही. 

दरम्यान कोयना धरण पात्रातील पाणी क्षमता वाढत असून दरवाजातून विसर्ग बंद असल्यामुळे आज मोसमातील पहिला उतरता दक्षिणद्वार सोहळा सकाळी सात ते नऊ या वेऽेत झाला. उतरता दक्षिणद्वार सोहळ्यामुळे मंदिराभोवतालचे पाणी हळूहळू कमी होत असून श्रींच्या पादुका खुल्या झाल्या आहेत. सेवेकरी आपल्यापर्यंत श्रींची सेवा करण्यात मशगुल आहेत. दत्त देवस्थानचे अध्यक्ष अशोक पुजारी यांच्या मार्गदर्शनाखाली मंदिराची स्वच्छता करण्याचे नियोजन केले आहे. संध्याकाळची पूजा मुख्य मंदिरात पाणी बसल्यानंतर नित्यनेमाने मनोभावे पूर्ण झाली.

संपादन ः रंगराव हिर्डेकर