कोल्हापुरमध्ये तलावात उडी घेऊन एकाची आत्महत्या

कसबा बावडा (कोल्हापूर) : येथील डॉ. बाबासाहेब आंबेडकर उद्यानातील हनुमान तलावात एकाने आत्महत्या केल्याची घटना समोर आली आहे. राज महम्मद दस्तगीर शेख (वय 50, रा. शिंदे गल्ली, कसबा बावडा,) असे आत्महत्या केलेल्या व्यक्तिचे नाव आहे. बुधवारी सकाळी साडे अकराच्या सुमारास ही घटना घडली. शेख यांनी आजारास कंटाळून आत्महत्या केल्याची माहीती घटनास्ळ आणि नातेवाईकानी दिली. या घटनेची नोंद शाहूपुरी पोलिस ठाण्यात झाली असून पुढील तपास शाहूपुरी पोलिस करत आहेत. 

हे पण वाचा - हेलकावे देणारा मृतदेह अन...आखरी रास्ता खड्डयात 

याबाबत अधिक माहित अशी की, शेख हे गेल्या काही दिवसांपासून आजारी होते. उपचार घेहूनही आजारात सुधारणा होत नसल्याने तेही या आजाराला कंटाळले होते. त्यामुळे गेल्या अनेक दिवसांपासून ते नैराश्‍येत होते. रोज ते याच उद्यानात बसायला यायचे. काही वेळा तर दिवसभर ते येथेच असायचे अशी माहिती स्थानिकांनी दिली. आजही ते नेहमीप्राणे या उद्यानात आले होते. काही वेळ उद्यानात बसून असलेल्या शेख यांनी साडेआकराच्या सुमारास उद्यानातील हनुमान तलावात उडी घेतली. स्थीनिकांनी तात्काळ या घटनेची माहीती शाहुपुरी पोलिसांना दिली. काही वेळातच पोलिसांनी घटनास्थळी धाव घेतली. तोपर्यंत शेख यांच्या तोंडात पाणी जाऊन त्यांचा मृत्यू झाला होता. 

हे पण वाचा - आता बस्स... हिंगणघाट घटनेवरून संभाजीराजे संतापले - 
 

दरम्यान, आजाराला कंटाळलेल्या शेख यांनी आजारासह स्वतःलाही संपविल्याने परिसरात हळहळ व्यक्त होत आहे.