गिफ्ट कार्ड देण्याच्या आमिषाने १४ लाखांची फसवणूक करणारा गजाआड 

कोल्हापूर - निम्या किमतीने खरेदी करता येईल असे गीफ्ट कार्ड देतो असे आमिष दाखवून फसवणूक केल्याप्रकरणी एकास शाहूपुरी पोलिसांनी अटक केली. अविष्कार सुनील पाटील (वय 29, रा. वरळी मुंबई) असे त्या संशयिताचे नाव आहे. 

याबाबत पोलिसांनी दिलेली माहिती, मुंबईतील संशयित अविष्कार पाटील व त्याचे वडील सुनील पाटील या दोघांनी कोल्हापुरातील लोकांचा विश्‍वास संपादन केला. त्यांना एका मॉलचे गिफ्ट कार्ड आधारे निम्या किमंतीत इलेक्‍ट्रॉनिक वस्तू देण्याचे अमिष दाखवले. त्या दोघांनी सप्टेंबर ते 8 नोव्हेंबर 2020 या कालावधित 14 लाख एक हजारांचा गंडा घातल्या प्रकरणी दोघांवर शाहूपुरी पोलिसात गुन्हा दाखल झाला होता. पोलिसांनी संशयित अविष्कारला अटक केली. त्याला सोमवार (ता.11) पर्यंत न्यायालयाने पोलिस कोठडी सुनावली.

हे पण वाचा - भेट इंदिरा गांधींची; कोल्हापूरच्या नेत्यांच्या हिंदीनं सुटला धरणाचा प्रश्न

तपासात संशयिताने नोकरी लावण्याच्या अमिषाने फसवणूक केल्याची प्राथमिक माहिती पुढे येत आहे. याबाबत तक्रार असल्यास त्यांनी शाहूपुरी पोलिस ठाण्याशी संपर्क साधावा असे आवाहन पोलिस उपनिरीक्षक स्मिता पाटील यांनी केले.
 
संपादन - धनाजी सुर्वे