- ताज्या
- देश
- शहरशहर
- लोकसभा २०२४
- क्रीडा / IPLक्रीडा / IPL
- साप्ताहिक
- Epaper
- सकाळ मनी
- व्हायरल सत्य
- प्रीमियर
- महाराष्ट्र
- आणखीआणखी
- सकाळ +
- वेब स्टोरीज
- ग्लोबल
- ॲग्रोवन
- साम TV
- सरकारनामा
- दैनिक गोमन्तक
कोल्हापूर : प्रजासत्ताक दिनाच्या निमित्ताने येत्या रविवारी याठिकाणी मर्दानी खेळाचा एक नवा विक्रम होणार आहे. दांड पट्टाच्या साह्याने एका तासात तब्बल चार हजार लिंबू कापण्याचा विक्रम मावळा गफूर रेहाना मुजावर हा युवक करणार आहे.छत्रपती संभाजी महाराज क्रीडा संकुल मंगळवार पेठ या ठिकाणी सकाळी आठ वाजता या उपक्रमास सुरुवात होणार आहे.
कोल्हापूर आणि मर्दानी खेळ याचे वेगळे नाते आहे. कुस्ती बरोबरच या ठिकाणी खेळला जाणारा दांडपट्टा याचीही मोठी ख्याती आहे. परदेशी पाहुणे कोल्हापुरातील दांडपट्ट्याचा खेळाचे प्रात्यक्षिक पाहून थक्क होतात. यातूनच अनेक शालेय विद्यार्थी व युवक या खेळाकडे वळले आहेत. शांतिदूत मर्दानी आखाडा यामाध्यमातून अभियंता असलेले सुरज केसरकर यांनी अशा खेळाडूंना तयार करण्याचा वसा घेतला आहे.
सात वर्षांचा अथक प्रयत्न
दीडशेहून अधिक मुले त्यांच्याकडे सध्या सराव करतात . दांडपट्टा कडे आकृष्ट झालेला मावळा येथील शांतिदूत मर्दानी आखाडा संकुलात सराव करू लागला. सात वर्षांच्या अथक प्रयत्नानंतर तो आता एक नवा विक्रम करण्यास सज्ज होत आहे. यापूर्वी 2008 मध्ये जोतिबा डोंगर या ठिकाणी लखन जाधव यांनी 56 मिनिटात 3802 लिंबू कापण्याचा विक्रम केला आहे. हा विक्रम मोडण्याचा निर्धार त्यांनी केला आहे त्यासाठी गेली पाच महिने तो सहा ते सात तास सराव करत आहे.
प्रजासत्ताक दिनी काेल्हापुरकर अनूभवणार...
या सरावानंतर मावळ्याचा आत्मविश्वास वाढला आहे. येत्या प्रजासत्ताक दिनी हा विक्रम करण्याचा त्यांनी निर्धार केला आहे. छत्रपती शिवाजी महाराज यांच्या विषयी प्रचंड प्रेम आहे. त्यातूनच त्याने मर्दानी खेळ शिकण्याचा निर्णय घेतला आणि प्रशिक्षकांच्या मार्गदर्शनाखाली तो या खेळात तरबेज झाला.
छत्रपती शिवाजी महाराज यांच्या विषयी प्रेम
छत्रपती शिवाजी महाराज यांच्या विषयी मला लहानपणापासून प्रेम आणि आदर वाटतो. त्यांच्यापासून प्रेरणा घेऊन हा विक्रम करण्याचा मी मानस केला आहे.
गफूर रेहान मुजावर, मावळादांडपट्ट्याने लिंबू कापण्याचा उपक्रम
गेली सात वर्षांपासुन दीडशेहुन अधिक विद्यार्थ्यांना हा खेळ शिकवत असताना अनेक उपक्रम केले आहेत. मात्र येत्या प्रजासत्ताक दिनी मर्दानी आखाड्याच्या सातव्या वर्धापन दिनानिमित्त दांडपट्ट्याने लिंबू कापण्याचा उपक्रम करणार आहोत.
सुरज केसरकर, प्रशिक्षक
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.