कोल्हापुरातील राजाराम बंधाऱ्यावरून मुलगा गेला वाहून ; सुदैवाने दुसरा वाचला

कसबा बावडा (कोल्हापूर) : येथील राजाराम बंधाऱ्या वरून कदमवाडी येथील पंधरा वर्षाचा मुलगा वाहून गेला. संस्कार कुरणे असे त्याचे नाव आहे. त्याचा सहकारी नजीद शेख याला वाचवण्यात यश आले आहे. आज सकाळी साडेआठच्या सुमारास ही घटना घडली. घटनेची माहिती मिळताच महापालिकेच्या अग्निशामक दलाच्या जवानांनी बोटीच्या सहाय्याने त्या मुलाचा शोध घेण्याचा प्रयत्न केला. 

हेही वाचा - कोल्हापुरात उद्याची त्र्यंबोली यात्रा रद्द

घडलेली घटना अशी, कदमवाडी शिवराय कॉलनी येथील दोघेजण खेळायला जातो असे सांगुन गेली काही दिवस पोहायला येत आहेत. संबंधित मुलगा आपल्या मित्रासोबत नदीवर पोहोण्यासाठी आला होता. बंधाऱ्याचे सर्व दरवाजे उघडे आहेत, त्यातून प्रचंड वेगाने पाण्याचा प्रवाह वाहतो. बंधाऱ्यावरील पश्चिम बाजूला आंघोळ करत असताना हा मुलगा दरवाजा जवळ गेला असता पाण्याच्या प्रवाहातून तो वाहून गेला. तेथे उपस्थित जितु केंबळे यांनी नजीद शेख याला बाहेर काढले. मात्र संस्कार कुरणेला वाचवता आले नाही. राजाराम बंधारा ग्रुपलमधील हनमंत सुर्यवंशी, रावसाहेब शिंदे, संतोष गायकवाड यांना शर्तीचे प्रयत्न करुनही त्याला वाचवता आले नाही.  

संपादन - स्नेहल कदम