पावसामुळे कोल्हापुरातील दोन वाहतूक मार्ग बंद

कोल्हापूर : पावसामुळे जिल्ह्यातील राज्यमार्ग 1 व प्रमुख जिल्हा मार्ग 1 असे 2 मार्ग वाहतुकीसाठी बंद करण्यात आले आहेत, अशी माहिती सार्वजनिक बांधकाम विभागाचे सहाय्यक अधीक्षक अभियंता म. भाटगे यांनी दिली.

करवीर तालुक्यातील कोल्हापूर शहराचा बाह्यवळण रस्ता कळंबे साळोखेनगर बालिंगे शिंगणापूर रामा-194 मार्गावरील शिंगणापूर केटीवेअर रस्त्यावर 1 फूट पाणी असल्याने वाहतूक बंद असून आंबेवाडी चिखली मार्गे पर्यायी वाहतूक सुरू आहे. 
कागल तालुक्यातील बिद्री सोनाळी-सावर्डे बु. गोरंबे आनूर बस्तवडे प्रजिमा क्र.46 मार्गावरील बस्तवडे बंधाऱ्यावर 3  फूट पाणी असल्याने या मार्गावरील वाहतूक बंद आहे. पर्यायी इजिमा क्र. 189 अनुर ते बानगे व इजिमा क्र. 93 बानगे मार्गे वाहतूक सुरू आहे.

पावसाची उघडीप
गेल्या दोन दिवसांपासून सुरू असलेल्या पावसाने आज थोडीशी विश्रांती घेतली आहे. 

पंचगंगा नदीवरील- शिंगणापूर, राजाराम, सुर्वे, रुई, इचलकरंजी, तेरवाड व शिरोळ. भोगावती नदीवरील- हळदी, राशिवडे, सरकारी कोगे, खडक कोगे. कासारी नदीवरील- यवलूज. वेदगंगा नदीवरील-वाघापूर, कुरणी, सुरूपली, बस्तवडे व चिखली. वारणा नदीवरील -माणगाव व चिंचोली. दुधगंगा नदीवरील-सिध्दनेर्ली, बाचणी, सुळंबी, तुरंबे, कसबा वाळवे, सुळकुड व दत्तवाड असे एकूण 26 बंधारे पाण्याखाली आहेत. 

हे पण वाचा - रविवारी होणाऱ्या सूर्यग्रहणाबद्दल हे माहिती आहे का?