वैफल्यग्रस्त प्रशांतने अखेर संपवले जिवनच

गडहिंग्लज (कोल्हापूर)  : नरेवाडी (ता. गडहिंग्लज) येथील तरुणाचा मृतदेह आज सकाळी मंगाई नावच्या डोंगरात आढळला. प्रशांत प्रकाश मांगले (वय २२) असे त्याचे नाव आहे. दरम्यान, दारूच्या नशेत प्रशांतने गळफास घेतल्याची फिर्याद त्याच्या सख्ख्या भावाने दिली आहे.

पोलिसांनी सांगितले, प्रशांत दारूच्या आहारी गेला होता. त्याला मनासारखे काम मिळत नसल्याने मिळेल ती मजुरी करून त्यातून मिळणाऱ्या पैशातून तो दारू पित असे. २९ ऑक्‍टोबरला मुंबई येथे कामासाठी जात असल्याचे भाऊ सुशांत व आईला सांगून तो घराबाहेर पडला. त्यानंतरही तो नेहमी दारूच्या नशेत राहिला. त्यातूनच मनासारखे काम मिळत नसल्याने तो अधिकच वैफल्यग्रस्त झाला होता. दरम्यान, आज सकाळी दहाच्या सुमारास नरेवाडीच्या मंगाई डोंगरात गळफास घेतल्याचा मृतदेह आढळला. याची माहिती मिळताच प्रशांतच्या नातेवाईकांनी ओळख पटवण्यासाठी घटनास्थळी गेले. त्यावेळी मृतदेह प्रशांतचाच असल्याचे निष्पन्न झाले. मृत प्रशांतचा भाऊ सुशांत याने  फिर्याद दिली आहे.

हेही वाचा- डांगे-पाटील एकत्र; सत्तारूढ काँग्रेस राष्ट्रवादी आघाडीत अखेर फूट -

जनावरे शोधताना...
मांगले कुटुंबीय प्रशांत मुंबईलाच गेल्याच्या मानसिकतेत होते. आज तुप्पूरवाडीतील एकाची जनावरे गायब झाली होती. ती शोधण्यासाठी काही लोक मंगाई डोंगर परिसरात गेले होते. त्यावेळी प्रशांत गळफास घेतलेल्या अवस्थेत आढळला. संपूर्ण मृतदेह कुजून दुर्गंधी सुटलेली होती. म्हणून जागेवरच शवविच्छेदन केल्याचे सांगण्यात आले.

संपादन- अर्चना बनगे