बार्शी पोलिस ठाण्यात ठेकेदाराचा चक्कर येऊन मृत्यू 

Contractor dies of death at Barshi police station
Contractor dies of death at Barshi police station

बार्शी (जि. सोलापूर) : आपत्ती व्यवस्थापन कायदा व संचारबंदी सुरु असताना शहरातील जिल्हा परिषद शाळा क्रमांक सहाच्या मागे सुरु असलेल्या बांधकामावर चार कामगार काम करत होते. पोलिसांनी त्यांना पकडून आणल्यानंतर त्या कामगारांना भेटण्यास आलेल्या ठेकेदारास पोलिस ठाण्यातच चक्कर आली. त्याला शासकीय रुग्णालयात दाखल केले असता वैद्यकीय अधिकाऱ्यांनी मृत घोषीत केले. बार्शी पोलिसांत अकस्मिक मृत्यू म्हणून नोंद झाली आहे. तर चार कामगारांवर गुन्हा दाखल झाला आहे. 
हेमंत पंढरीनाथ नडगिरे (वय 54, रा. नागणे प्लॉट) असे मृत्यू झालेल्या ठेकेदाराचे नाव आहे. रामलायक हिरामन राम (वय 34), सुरेश जुगनराम पासवान (वय 38), सुनिलकुमार राजेंद्र राम (वय 26), शिवपुजन शंकर यादव (वय 30, सर्व रा. बिहार, सध्या सोलापूर रोड) अशी गुन्हा दाखल झालेल्यांची नावे आहेत. हनुमंत पाडूळे यांनी फिर्याद दाखल केली. 
अत्यावश्‍यक सेवा वगळता सर्व आस्थापना बंद ठेवण्याचे आदेश असतानाही बार्शी येथे बांधकाम चालू होते. कामावर मजूरांच्या तोंडाला मास्क नव्हते, सोशल डिस्टन्सिंग नव्हते, सॅनिटायझरची सोय करण्यात आली नाही म्हणून पोलिसांनी कामगारांना पोलिस ठाण्यात आणले. कामगारांना पोलिस घेवून गेले असल्याची माहिती ठेकेदार हेमंत नडगिरे यांना समजताच ते पोलिस ठाण्यात चौकशीसाठी आले होते. यावेळी त्यांना चक्कर आली व कोसळले. त्यांना त्वरीत शासकीय रुग्णालयात दाखल केले. पण त्यांचा औषध उपचारापूर्वीच मृत्यू झाला. तपास पोलिस निरीक्षक सचिन सुगांवकर करीत आहेत.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com