बघा..बघा.. अनुदानित मराठी शाळांचे काय होणार

सोलापूर ः राज्यातील मराठी माध्यमाच्या अनुदानित शाळांमधील पटसंख्या कमी असल्याचे कारण देत या शाळा मोडण्याचा घाट घातला जात आहे. पालकांचा इंग्रजी शाळांकडे वाढता कल लक्षात घेता अनुदानित मराठी शाळा या इंग्रजी शाळांमध्ये परावर्तित करण्याचा प्रस्ताव शासन दरबारी आहे. 

हेही वाचा ः सोलापुरातील नगरसेविकेच्या पतीला कोरोना

अनुदानित मराठी शाळांचा पट कमी होत असल्याने अतिरिक्त होणाऱ्या शिक्षकांची संख्या दिवसेंदिवस वाढू लागली आहे. याउलट इंग्रजी माध्यमांच्या शाळांमध्ये मुलांचा कल वाढत असल्याचे भाजपच्या शिक्षक सेलचे सहसंयोजक अनिल शिवणकर यांनी शिक्षण उपसंचालकांना अनुदानित शाळा या अनुदानाचे स्वरूप कायम ठेवून इंग्रजी माध्यमांच्या शाळांमध्ये परावर्तित करण्याबाबत पत्र दिले आहे.

हेही वाचा ः सोलापूरचा पारा ४५ अंशांवर

या पत्राचा संदर्भ देत शिक्षण उपसंचालकांनी शिक्षण संचालकांना पत्र पाठवून याबाबत धोरणात्मक निर्णय घेण्याबाबत सांगितले आहे. मराठी शाळांची पटसंख्या कमी होत आहे म्हणून त्या शाळा अनुदानासह इंग्रजी माध्यमांमध्ये परावर्तित करण्याची पद्धत योग्य आहे का, याबाबतही गांभीर्याने विचार करण्याची गरज आहे. अनुदानित मराठी शाळांमधील पटसंख्या कमी होऊन शिक्षक जर अतिरिक्त होत असतील तर त्या शाळांमधील पटसंख्या कशाप्रकारे वाढेल, हे पाहणे अपेक्षित असताना भाजपच्या शिक्षक सेलच्यावतीने मराठी शाळा या इंग्रजी शाळांमध्ये परावर्तित करण्याची केलेली मागणी अनाकलनीय असल्याचे मत शिक्षणतज्ज्ञांनी व्यक्त केले आहे. 

हेही वाचा ः वैरागचा किराणा व्यापारी पाॅझिटीव्ह

पटसंख्या वाढीसाठी हवी उपाययोजना 
अनुदानित मराठी शाळांमध्ये पटसंख्या वाढविण्यासाठी शासनस्तरावर प्रयत्न होणे आवश्‍यक आहेत. जर या शाळांमध्ये पटसंख्या वाढली तर निश्‍चितच अतिरिक्त होणाऱ्या शिक्षकांचे प्रमाणही कमी होणार आहे. गोरगरिबांची मुले शिकण्यासाठी अनुदानित मराठी शाळा जिवंत राहणे आवश्‍यक आहे. त्यामुळे अशाप्रकारच्या प्रस्तावाचा शासन कशापद्धतीने विचार करते, हे पाहणे औत्सुक्‍याचे ठरणार आहे. महाराष्ट्र