शाब्बास... सोलापूर जिल्ह्यात पंढरपूर उपविभाग अव्वल

शाब्बास... सोलापूर जिल्ह्यात पंढरपूर उपविभाग अव्वल

पंढरपूर (जि. सोलापूर) : पंढरपूर उपविभागाने 2019 या वर्षातील लोकाभिमुख कामगिरीच्या आधारे सोलापूर जिल्ह्यात प्रथम क्रमांक पटकावला आहे. या कामगिरीबद्दल पोलिस अधीक्षक मनोज पाटील यांनी उपविभागीय पोलिस अधिकारी सागर कवडे, शहर पोलिस ठाण्याचे निरीक्षक दयानंद गावडे, ग्रामीण पोलिस ठाण्याचे निरीक्षक प्रशांत भस्मे यांचे अभिनंदन केले आहे. 

पोलिस अधीक्षक कार्यालयाने पोलिस ठाण्याचे कामकाज गुणवत्तापूर्ण होण्यासाठी वेगवेगळ्या निकषांवर आधारित "पोलिस ठाणे गुणांकन पद्धती' सप्टेंबर 2018 पासून सुरू केलेली आहे. या निकषांत प्रामुख्याने शरीराविषयी व मालाविषयी गंभीर गुन्हे उघडकीस आणून आरोपी अटक करणे, महिला अत्याचार प्रकरणांत तत्काळ कारवाई करणे, आरोपींविरुद्ध आवश्‍यक त्या प्रतिबंधात्मक कारवाई करणे, दोष सिद्धीचे प्रमाण वाढवणे, नागरिकांच्या तक्रारींची वेळीच दखल घेऊन कारवाई करणे, नागरिकांना देण्यात येणाऱ्या सोयी सुविधा विहित वेळेत पुरवणे, महिला विरोधी अत्याचारांच्या गुन्ह्यांचे दोषारोपपत्र तत्काळ न्यायालयात सादर करणे, जनतेसाठी उपयुक्त अशी कामे करणे, कायदा-सुव्यवस्था प्रसंगी तत्काळ कारवाई करणे, पोलिस कर्मचाऱ्यांच्या कल्याणाचे कार्यक्रम राबविणे, अशा सर्वांगीण निकषांचा समावेश आहे. 

तेव्हापासून आजपर्यंत एकूण 18 पैकी 17 महिन्यांत पंढरपूर विभागाने सोलापूर ग्रामीण पोलिस दलात प्रथम क्रमांक संपादन केलेला आहे. पंढरपूर उपविभागात महाराष्ट्र पोलिस कायदा कलम 55 प्रमाणे 37, महाराष्ट्र पोलिस कायदा कलम 56 प्रमाणे 13 व्यक्ती तर महाराष्ट्र पोलिस कायदा 57 प्रमाणे एक अशा एकूण 51 जणांना हद्दपार करण्यात आलेले आहेत. संघटित गुन्हेगारी टोळ्यांद्वारे आर्थिक लुबाडणूक करणाऱ्या तीन टोळ्यांवर महाराष्ट्र संघटित गुन्हेगारी कायदा मोका अन्वय कारवाई करण्यात आलेली आहे. 

विशेष पोलिस महानिरीक्षक, पोलिस अधीक्षक यांच्या संकल्पनेतून तीर्थक्षेत्र पंढरपूर येथे भाविकांच्या सर्व प्रकारच्या समस्या सोडविण्यासाठी तसेच त्यांची वारी सुकर करण्यासाठी "तीर्थक्षेत्र पोलिस' ही संकल्पना राबवण्यात येत आहे. या माध्यमातून वारकऱ्यांना सुरक्षा-व्यवस्था, प्राथमिक उपचार, हरवले मिळवले, क्‍लॉक रूम/लगेज रूम अशा विविध माध्यमातून सेवा देण्यात येत आहे. 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com