सेतू केंद्र, महा-ई-सेवा केंद्र सुरू करण्यास  सोलापूरच्या जिल्हाधिकाऱ्यांची परवानगी 

maha e seva
maha e seva

सोलापूर : कोरोना विषाणूचा संसर्ग रोखण्यासाठी राबविण्यात आलेल्या विविध प्रतिबंधात्मक उपाय योजनांमध्ये सोलापूर शहर व जिल्ह्यातील सर्व सेतू केंद्र व महा-ई-सेवा केंद्र मार्चपासून बंद करण्यात आली होती. सोलापूर जिल्ह्यातील सेतू केंद्र व महा-ई-सेवा केंद्र सुरू करण्यास सोलापूर जिल्हाधिकारी मिलिंद शंभरकर यांनी परवानगी दिली आहे.

ही परवानगी देत असताना काही महत्त्वाच्या अटी व नियम सर्व सेतू चालक व महा ई सेवा केंद्र चालकांना पाळावे लागणार आहेत. सेतू केंद्र, महा-ई-सेवा केंद्रातील सामग्री, बायोमेट्रिक उपकरणे व परिसराचे निर्जंतुकीकरण करून घेणे आवश्‍यक आहे. केंद्रातील चालक व ऑपरेटर यांनी स्वच्छता विषयक सर्व निर्देशांचे पालन करणे आवश्‍यक आहे. वारंवार साबणाने हात धुणे, सॅनिटायझरचा वापर करणे, ऑपरेटर यांनी नाक, तोंड व डोळ्यांना स्पर्श होणार नाही याची दक्षता घ्यावी अशा सूचना करण्यात आल्या आहेत.

ऑपरेटर व केंद्रात येणाऱ्या नागरिकांनी पूर्णवेळ तोंडाला मास्क वापरावा. केवळ फोटो काढण्या पुरताच तोंडावरील मास्क काढण्यास परवानगी देण्यात आली आहे. सर्व सेतू केंद्र, महा-ई-सेवा केंद्र व्यवस्थापक, टेबल ऑपरेटर, नागरिक यांच्यात एक मीटरचे शारीरिक अंतर असणे आवश्‍यक आहे. सेतू केंद्र व महा-ई-सेवा केंद्रात अपॉईंटमेंट शिवाय येण्याची नागरिकांना परवानगी देऊ नये. नागरिकांना सामाजिक अंतर निश्‍चित करण्यासाठी योग्य अंतरासह उपयुक्त असेल तेथे मोकळ्या हवेत बसण्यास प्रोत्साहित करावे. सेतू व महा-ई-सेवा केंद्र देणाऱ्या प्रत्येक व्यक्तीचे थर्मल स्कॅनिंग करावे, सेतू केंद्र व महा-ई-सेवा केंद्रात शिबिरे घेऊ नये अशा सूचनाही जिल्हाधिकारी मिलिंद शंभरकर यांनी केल्या आहेत.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com