दक्षिण मध्य रेल्वेच्या दोन गाड्या सोलापूर विभागातून धावणार 

सोलापूरः दक्षिण मध्य रेल्वेने प्रवाशांच्या सुविधासाठी गाड्या सुरू करण्याचा निर्णय घेतला आहे. सोमवार (ता.7 ) ते बुधवार (ता.16) या कालावधीत या गाड्या धावणार आहेत. 

हेही वाचाः सोलापूरमध्ये 151 नवे कोरोनाबाधित, तिघांचा मृत्यू 

गाडी (क्र. 56904/56903) धारवाड-सोलापूर-धारवाड पैंसेजरच्या व गाडी क्र.( 07322/07321) धारवाड-सोलापूर-धारवाड विशेष एक्‍सप्रेस धावणार आहेत. गाडी क्र. (56904/56903) धारवाड-सोलापूर-धारवाड पैसेजरच्या थांब्या व्यतिरिक्त अंकल, नवलूर, मिंचनल, निंबाळ आणि तडवळ स्थानकावर गाडी थांबणार आहे. गाडी (क्र. 07322)धारवाड-सोलापूर विशेष एक्‍सप्रेस सोमवार (ता. 7) पासून धावेल. गाडी (क्र. 07321) सोलापूर-धारवाड विशेष एक्‍सप्रेस मंगळवार (ता.8) पासून गुरुवार (ता.17) या कालावधीत धावेल. या गाड्यामध्ये 1 स्लिपर, आठ जनरल डबे व दोन ब्रेकयान असतील. या प्रमाणे एकूण 11 डबे असणार आहेत. 

हेही वाचाः छत्रपती संभाजी महाराज पुतळा चौक सुशोभिकरणास सुरुवात 

सोमवार (ता.7) पासून ते बुधवार (ता.16) 16.12.2020 दरम्यान गाडी क्र. 56906/56905 हुबळी-सोलापूर-हुबळी पैंसेजरच्या थांबा आणि वेळानुसार गाडी क्र. 07332/07331 हुबळी-सोलापूर-हुबळी विशेष एक्‍सप्रेस धावले. 
गाडी (क्र. 07332) हुबळी- सोलापूर विशेष एक्‍सप्रेस सोमवार (ता.7) पासून बुधवार (ता. 16) या कालवधीत धावेल. गाडी (क्र. 07331) सोलापूर-हुबळी विशेष एक्‍सप्रेस मंगळवार (ता.8) ते गुरुवार (ता.17) या कालावधीत धावेल. या गाड्यांना एक स्लिपर डबा, आठ जनरल डबे व दोन ब्रेकयान या प्रमाणे एकूण अकरा डबे असतील. 
कोविड-19 संदर्भातील राज्य व केंद्र सरकारच्या सर्व नियमांचे पालन रेल्वे गाडीत व रेल्वे स्थानकांवर केले जाणार आहे. कोविड-19 शी निगडीत इतर सर्व खबरदारी देखील सुनिश्‍चित केल्या जातील. वरिल गाड्या पूर्णपणे आरक्षित असतील असे रेल्वे खात्याने कळवले आहे.