Kolhapur Floods : एक लाख नागरिकांचे सुरक्षितस्थळी स्थलांतर

सकाळ वृत्तसेवा
गुरुवार, 8 ऑगस्ट 2019

 एकूण 227 गावांमधून 22 हजार 285 कुटुंबातील 1 लाख 6 हजार 946 व्यक्तींचे सुरक्षित स्थळी स्थलांतर करण्यात आले आहे. याकामी 56 बोटी आणि 425 कर्मचारी कार्यरत आहेत, अशी माहिती जिल्हाधिकारी दौलत देसाई यांनी दिली.

कोल्हापूर  :  एकूण 227 गावांमधून 22 हजार 285 कुटुंबातील 1 लाख 6 हजार 946 व्यक्तींचे सुरक्षित स्थळी स्थलांतर करण्यात आले आहे. याकामी 56 बोटी आणि 425 कर्मचारी कार्यरत आहेत, अशी माहिती जिल्हाधिकारी दौलत देसाई यांनी दिली.

तालुकानिहाय कुटुंब आणि सदस्य संख्या पुढीलप्रमाणे- कागल- 25 गावातील 1 हजार 73 कुटुंबातील 5 हजार 542 सदस्य, राधानगरी– 12 गावातील 558 कुटुंबातील 3 हजार 40 सदस्य, गडहिंग्लज– 15 गावातील 936 कुटुंबातील 4 हजार 3 सदस्य, आजरा– 19 गावातील 81 कुटुंबातील 313 सदस्य, भुदरगड – 14 गावातील 257 कुटुंबातील 1 हजार 31 सदस्य, शाहुवाडी – 6 गावातील 123 कुटुंबातील 489 सदस्य, पन्हाळा – 28 गावातील 405 कुटुंबातील 1 हजार 833 सदस्य, शिरोळ – 43 गावातील 7 हजार 857 कुटुंबातील 42 हजार 757 सदस्य, हातकणंगले – 21 गावातील 4 हजार 401 कुटुंबातील 20 हजार 790 सदस्य, करवीर – 25 गावातील 3 हजार 879 कुटुंबातील 16 हजार 43 सदस्य, गगनबावडा– 2 गावातील 50 कुटुंबातील 241 सदस्य, चंदगड – 11 गावातील 96 कुटुंबातील 516 सदस्य तर महापालिकेच्या माध्यमातून 2 हजार 569 कुटुंबातील 10 हजार 348 जणांचे स्थलांतर करण्यात आले.

यासाठी करवीर तालुक्यात 18 बोटी व 224 कर्मचारी, शिरोळ तालुक्यात 16 बोटी व 73 कर्मचारी, हातकणंगले तालुक्यासाठी 4 बोटी व 26 कर्मचारी, महापालिका क्षेत्रात 10 बोटी व 62 कर्मचारी, गडहिंग्लजसाठी 2 बोटी व 10 कर्मचारी तसेच आजरा व चंदगड तालुका वगळता उर्वरित तालुक्यांसाठी प्रत्येकी एक बोट व 5 कर्मचारी नेमण्यात आले आहेत यामध्ये लष्कर, नौदल, एनडीआरएफ, जिल्हा प्रशासन, सामाजिक संस्था, महानगरपालिका, नगरपालिका यांचा समावेश आहे.


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: 1 lakh people safely rehabilitation in kolhapur