accident
accident

खंबाटकी घाटात भीषण अपघात; 17 जण ठार

खंडाळा : पुणे-बंगळूर महामार्गावर खंबाटकी घाटात आज (मंगळवार) पहाटे पाचच्या सुमारास पुण्याकडे मजूरांना घेऊन येणारा टेम्पो एस वळणावर पलटी घेऊन झालेल्या भीषण अपघातात 17 जण ठार झाले असून, 15 जण जखमी झाले आहेत.

मिळालेल्या माहितीनुसार, खंबाटकी घाटात पुण्याकडे येत असताना एस वळणावर हा अपघात झाला. वळणाचा अंदाज न आल्याने आयशर टेम्पो (केए 37 6037) थेट दरीत कोसळला. या अपघातात 17 जण जागीच ठार झाले. यात तीन लहान मुलांचा व सहा महिन्याच्या बाळाचा समावेश होता. टेम्पोत एकूण 35 जण होते. जखमींना शिरवळ, खंडाळा व स्थानिक रुग्णालयात हलविण्यात आले आहे. टेम्पो चालकाला झोप न आवरल्याने हा अपघात झाल्याची शक्यता वर्तविण्यात येत आहे. 

मृतांमधील सर्वजण मदभावी तांडा नं. 1 (विजापुर) येथील रहिवाशी होते. सेंट्रींग व कॉक्रीटीकरणाच्या कामासाठी ते पुण्याकडे येत होते. हा अपघात इतका भयानक होता की मृतदेहांचे तुकडे झाले होते. अपघातानंतर पोलिस अधीक्षक आणि इतर अधिकाऱ्यांनी घटनास्थळी भेट दिली. या एस वळणावर यापूर्वीही अनेक अपघात झाले आहेत. मात्र, प्रशासनाकडून याकरिता अद्याप काहीही करण्यात आलेले नाही.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com