पाचवडवस्ती - महापुरात बुडून पूर्णतः बाधित झालेली शाळेची इमारत.
पाचवडवस्ती - महापुरात बुडून पूर्णतः बाधित झालेली शाळेची इमारत.

कऱ्हाडच्या ९९ शाळांना महापुराचा बसला फटका

कऱ्हाड - महापुराच्या फटक्‍यात तालुक्‍यातील ९९ शाळा बाधित झाल्या आहेत. त्यातील जिल्हा परिषदेच्या ७९ शाळांचे नुकसान झाले असून, पाचवड मळा, साजूर, टाळगाव, खुबी, रेठरे खुर्द यांसह नदीकाठच्या शाळांत विद्यार्थी बसवूच शकत नाही, अशी स्थिती आहे. त्यामुळे विद्यार्थ्यांच्या शैक्षणिक नुकसानीचा प्रश्न निर्माण झाला आहे. शिक्षण विभागाने तात्पुरती त्यांची व्यवस्था इतर ठिकाणी केली आहे. मात्र, शालेय वातावरण तेथे नाही, अशी स्थिती आहे.  

कृष्णा-कोयना या मुख्य नद्यांसह तालुक्‍यातून वाहणाऱ्या इतर उपनद्यांच्या काठाला महापुराचा मोठा फटका बसला. त्यामुळे अनेक घरांत पाणी गेले. त्याचबरोबर अनेक शाळांही बाधित झाल्या आहेत. कऱ्हाड तालुक्‍यातील ९९ शाळा पुराने बाधित झाल्या आहेत. त्यातील ७९ शाळा या जिल्हा परिषदेच्या आहेत. त्यातील अनेक शाळा धोकादायक बनल्याने तेथे विद्यार्थी बसूच शकत नाहीत, अशी स्थिती आहे. त्यामध्ये पाचवड मळा, साजूर, टाळगाव, खुबी, रेठरे खुर्द यांसह नदीकाठच्या शाळांचा समावेश आहे. तेथील अनेक इमारती भिजल्या आहेत. त्याचबरोबर भिंतीला ओल चढली असून त्या कधी पडतील, याची खात्री नाही. अनेक शाळांच्या भिंतींना चिरा गेल्या आहेत. त्याचबरोबर पाचवड मळा शाळेसारख्या काही शाळा या पूर्णतः बाधित झाल्या आहेत. त्यामुळे तेथील विद्यार्थ्यांच्या शिक्षणाचा प्रश्न निर्माण झाला आहे. संबंधित ठिकाणच्या विद्यार्थ्यांना शाळांत, समाजमंदिरात तात्पुरते बसवण्यात येईल. मात्र, तेथे शैक्षणिक वातावरणच नाही. त्यामुळे संबंधित विद्यार्थ्यांच्या शैक्षणिक नुकसानीचा प्रश्न निर्माण झाला आहे. त्यामुळे शासनाने संबंधित विद्यार्थ्यांच्या शैक्षणिक नुकसानीचा विचार करून तातडीने शाळांच्या उभारणीचा निर्णय घेणे आवश्‍यक आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com