आमदार म्हेत्रे, भालकेंची सोलापुरात प्रतीक्षा

सोलापूर : कॉंग्रेसचे आमदार सिध्दाराम म्हेत्रे आणि भारत भालके यांना कॉंग्रेसकडून इच्छुक म्हणून अर्ज दाखल केला मात्र दुपारी साडेचार पर्यंत ते कॉंग्रेस भवनात पोचले नव्हते. कॉंग्रेस कार्यालयातील कर्मचाऱ्यांनी दोघांशीही संपर्क साधला पण त्यास प्रतिसाद मिळाला नाही. भालके मुंबईत तर म्हेत्रे अज्ञात स्थळी असल्याचे सांगण्यात आले.

आज दुपारी साडेतीनच्या सुमारास मुलाखतीना सुरुवात झाली. पहिल्या टप्यात शहरातील तिन्ही मतदार संघातील मुलाखती संपल्यानंतर जिल्हाच्या मुलाखती सुरु आहेत. सोलापूर शहर मध्य मतदारसंघातून आमदार प्रणिती शिंदे यांनी मुलाखत दिली.

माजी आमदार दिलीप माने यांनी मुलाखतीस आपला प्रतिनिधी पाठविला होता. त्यांच्याशिवाय इंदुमती अलगोंडा पाटील यानीही दक्षिण सोलापूर मधून उमेदवारी मागितली आहे.

सोलापूर शहर उत्तर : राजन कामत, सुदीप चाकोते व सातलिंग शटगार. 

सोलापूर शहर मध्य : आमदार प्रणिती शिंदे, असिफ इक्‍बाल शेख, इश्‍ताक जहॉंगिरदार, दत्तात्रय लोकरे 

दक्षिण सोलापूर : दिलीप माने, इंदुमती अलगोंडा पाटील, प्रशांत कांबळे आणि हरिष गुरुनाथ पाटील 

अक्कलकोट : आमदार सिद्धाराम म्हेत्रे, डॉ. सुवर्णा मलगोंडा, धर्मराज राठोड, महिबूब मुल्ला, श्रीकंठ महास्वामी व सातलिंग शटगार 

मोहोळ : गौरव खरात आणि किशोर पवार 

पंढरपूर : आमदार भारत भालके आणि शिवाजीराव काळुंगे 

बार्शी : डॉ. विजय साळुंके, ऍड. जीवनदत्त आरगडे, हाजी रमजान पठाण आणि नागनाथ चव्हाण.