श्रीगोंदे पोलिस ठाण्यातील तात्कालिन पोलिस उपनिरीक्षकावर गुन्हा

crime_logo
crime_logo

श्रीगोंदे (नगर) - श्रीगोंदे पोलिस ठाण्यात २००९ ते २०११ या कालावधीत उपनिरीक्षक पदावर कार्यरत असणारे तत्कालिक पोलिस उपनिरीक्षक ए.बी. तथा अनिल जाधव राहणार नांदेड यांनी त्यांच्याकडील अकरा गुन्ह्यांमध्ये आरोपींना मदत करीत कागदपत्रे व पुरावे न्यायालयात सादर न केल्याप्रकरणी त्यांच्याविरुध्द गुन्हा दाखल झाला आहे. 

पोलिस निरीक्षक दौलत जाधव यांनी फिर्याद देत जाधव यांच्यावर गंभीर आरोप केले आहेत. पोलिस निरीक्षक जाधव यांनी फिर्यादीत म्हटले आहे की, तत्कालीन उपनिरीक्षक जाधव यांच्याकडे त्या दोन वर्षात दाखल झालेले जे अकरा गुन्हे तपासासाठी होते. त्या गुन्ह्यातील पुरावे जमा करुन त्याचा अंतीम अहवाल न्यायालयात सादर करण्याची जबाबदारी देण्यात आली होती. या गुन्ह्यात सरकारी कामात अडथळा, अपघात, आकस्मित मृत्यू, दारुबंदी अशा गुन्ह्यांचा समावेश आहे. 

तथापी जाधव यांनी सदर गुन्ह्यांची कुठलीच कागदपत्रे, पुरावे न्यायालयात जमा केले नाहीत. या गुन्ह्यातील आरोपींना शिक्षेपासून वाचविण्यासाठी त्यांनी हे कृत्य केले. हा दिलेल्या आदेशांचा अवमान असून कर्तव्यात टाळाटाळ आहे. सदर गुन्ह्यांचा तपास असताना त्यांची बदली झाली  तरी त्यांनी यातील कुठल्याही गुन्ह्यातील कागदपत्रे पोलिस ठाण्याच्या अभिलेख कक्षात जमा केलेली नाहीत.  त्यामुळे जाधव यांच्याविरुध्द कारवाई करण्याची मागणी पोलिस निरीक्षक व फिर्यादी दौलत जाधव यांनी फिर्यादीत केली आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com