कोयना नदीपात्रात तांबवे गावात मगरीचे दर्शन  

karhad
karhad

कऱ्हाड  : तांबवे (ता.कराड) गावाजवळून वाहणाऱ्या कोयना नदीपात्रात आज बुधवारी सकाळी ग्रामस्थांना मगरीचे दर्शन झाले. सकाळी नदीला अंघोळीला गेल्यानंतर अचानक मगर दिसल्याने ग्रामस्थांची तारांबळ उडाली.  

तांबवे गावाजवळून कोयना नदी वाहते. बारमाही वाहणारी नदी असल्यामुळे नदीला अंघोळीला जाणाऱ्यांची संख्या मोठी आहे. गेल्या वर्षभरापूर्वी मगरीचे काही ग्रामस्थांना दर्शन झाले होते. मात्र त्यानंतर ती दिसली नाही. आज सकाळी अंघोळीला गेल्यानंतर ग्रामस्थांना व काही युवकांना या मगरीचे दर्शन झाले. अचानक मगर समोर आल्याने त्यांची तारांबळ उडाली. त्यांनी तेथून तातडीने बाजूला येऊन याची माहिती ग्रामस्थांना दिली. त्यामुळे नदीकाठी मगर पाहण्यासाठी मोठी गर्दी झाली होती. नदीला दररोज आंघोळीसाठी जाणाऱ्यांची संख्या मोठी असल्याने संबंधित मगरीचा वन विभागाने त्वरित बंदोबस्त करावा अशी मागणी ग्रामस्थांनी केली आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com