स्वस्त आणि मस्तमुळे ऑनलाईन खरेदीचा ओढा 

online
online

सोलापूर : दिवाळीच्या खरेदीसाठी बाजारपेठांमध्ये गर्दी होत आहे. त्याबरोबर अनेकजण ऑनलाइन शॉपिंगचाही पर्याय स्वीकारत आहेत. दिवाळीमुळे विविध कंपन्यांनी सवलती जाहीर केल्या आहेत. स्थानिक बाजारपेठेतील दुकानांच्या तुलनेत ऑनलाईनवर स्वस्त आणि मस्त वस्तू असल्याने ही खरेदी फायदेशीर असल्याचे तरुण सांगत आहेत. 

ऑनलाईन खरेदी करताना आधीच्या ग्राहकांनी त्या वस्तूबद्दल काय प्रतिक्रिया दिल्या आहेत हे पाहता येते. बुक केलेली वस्तू कोठे आहे, ती घरी कधी येणार, हे पाहता येते. दुकानात जाऊन मोबाईल खरेदी केला तर त्यासाठी जास्त किंमत द्यावी लागते. परंतु ऑनलाईन खरेदी केला तर पैसे वाचतात. हवी असलेली वस्तू घरपोच मिळते, असे तरुणांचे म्हणणे आहे. ऑनलाइन खरेदीमध्ये वेगवेगळ्या कंपन्यांनी हप्त्यामध्ये वस्तू घेण्याची संधी दिली आहे. दुकानात जाऊन तासभर वस्तू पाहून जास्त कमीत देऊन वस्तू घेण्यापेक्षा ऑनलाइन शॉपिंग फायदेशीर असल्याचे तरुण सांगत आहेत. 

ऑनलाईन शॉपिंग सोईस्कर असते. आपण कधीही, कुठेही ऍपमधून खरेदी करू शकतो. बसल्या जागी अनेक पर्याय उपलब्ध आहेत. कुठली वस्तू घेण्यासाठी कोणीही दबाव टाकत नाही. पैसे देण्याचे सुलभ पर्याय पण उपलब्ध आहेत. एखादी वस्तू न आवडल्यास ती परत करता येते. या सगळ्या गोष्टी पाहता ऑनलाइन शॉपिंग पर्याय आहे. 
- अश्‍विनी पाटील 

पुस्तके विकत घेण्यासाठी ऑनलाइन शॉपिंग खूप छान पर्याय आहे. हवा तेवढा वेळ पुस्तकाची सुरवातीची काही पाने वाचू शकतो. रिव्ह्यू वाचू शकतो आणि वरून सवलत देण्यात येत आहे. महत्त्वाचे म्हणजे मोफत घरपोच सेवा आहे. 
- श्रीकांत शास्त्री 

ऑनलाईन खरेदी अत्यंत सोईस्कर असून आपल्या आवडीनुसार कोणतीही वस्तू घेता येते. विविध प्रकारच्या व्हरायटी उपलब्ध असल्यामुळे ग्राहकांचा फायदा होत आहे. ऑर्डर केल्यानंतर लवकरात लवकर वस्तू आपल्यापर्यंत पोचते. ऑनलाइन खरेदी ही संपूर्ण खात्रीशीररीत्या करता येते. 
- सुधीर सुटनकर

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com