दुष्काळ जाहीर करावा अन्यथा आंदोलनाचा इशारा :स्वाभिमानी शेतकरी संघटना

मंगळवेढा : पावसाच्या आशेवर अवलंबून असलेल्या तालुक्यातील जिरायत शेतकऱ्य़ांनी गतवर्षी खरीप हंगामात विमा भरलेल्या 53 हजार शेतकऱ्यांला भरपाईची रक्कम देवून पावसाने हुलकावणी दिलेल्या तालुक्यात यंदा दुष्काळ जाहीर करावा अन्यथा आंदोलन करण्याचा इशारा स्वाभिमानी शेतकरी संघटनेच्यावतीने निवासी नायब तहसीलदार गणेश लव्हे यांना दिलेल्या निवेदनात दिला. 

या संघटनेच्या वतीने दिलेल्या निवेदनात म्हटले आहेत की, यंदा पावसाच्या आशेवर खरीपाची पेरणी केली पण पावसाने हुलकावणी दिल्यामुळे शेतकय्रांचे डोळे आभाळाकडे लागले. कर्ज काढून खरीपाची पेरणी केलेल्या शेतकरयांच्या नशीबात दुष्काळात तेरावा महिना आला. गतवर्षी विमा भरलेल्या शेतकऱ्यांला विमा वंचित ठेवले. तालुक्यात पावसाची टक्केवारी कमी असतानाही विमा कंपनीने चुकीचे निकष लावून शेतकऱ्याला वगळले असून ही 53 हजार शेतकऱ्यांची विमा भरपाई अगोदर द्यावी. याशिवाय उजनी लाभक्षेत्रात असलेल्या ऊस, मका या पिकावर हुमनीने विळखा दिला असून यामुळे झालेल्या नुकसानीचे पंचनामे करण्यात यावे अशी मागणीही निवेदनात नमुद केली या निवेदनावर अॅेड राहूल घुले, श्रीमंत केदार, शंकर संगशेटटी, आबा खांडेकर, बाळासाहेब कपले, रमेश चव्हाण आदीसह शेतकऱ्यांच्या सहया आहेत.