- ताज्या
- देश
- शहरशहर
- लोकसभा २०२४
- क्रीडा / IPLक्रीडा / IPL
- साप्ताहिक
- Epaper
- सकाळ मनी
- व्हायरल सत्य
- प्रीमियर
- महाराष्ट्र
- आणखीआणखी
- सकाळ +
- वेब स्टोरीज
- ग्लोबल
- ॲग्रोवन
- साम TV
- सरकारनामा
- दैनिक गोमन्तक
पंढरपूर: शेतकरी कामगार पक्षाचा बालेकिल्ला असलेल्या सांगोला विधानसभा मतदार संघात शिवसेनेचा प्रथमच भगवा फडकला आहे. शेकापचे आमदार गणपतराव देशमुख यांचे नातू अनिकेत देशमुख यांचा शिवसेनेचे उमेदवार शहाजी बापू पाटील यांनी अवघ्या 674 मतांनी पराभव केला.
येथील मतदार संघावर शेकापचे जेष्ठनेते आमदार गणपतराव देशमुखांचे गेली 50 वर्षे एक हाती वर्चस्व होते. 1995 सालचा अपवाद वगळता 1972 पासून ते सलग 11 वेळा निवडून येण्याचा त्यांनी विक्रम नोंदवला होता. वयोमानामुळे आमदार गणपतराव देशमुखांनी यावेळी निवडणूक न लढवण्याचा निर्णय घेतला. त्यानंतर शेकापने भाऊसाहेब रूपनवरांना उमेदवारी जाहीर केली होती.
दरम्यान, ऐनवेळी रूपनवरांऐवजी गणपतराव देशमुखांचे नातू अनिकेत देशमुखांना उमेदवारी देण्यात आली. नाराज रूपनवरांनी सेनेत प्रवेश केला, तर राष्ट्रवादीचे माजी आमदार दीपक साळुंखे यांनीही सेनेचे उमेदवार शहाजी बापू पाटील यांना पाठिंबा दिला होता. अखेर अटीतटीच्या लढतीमध्ये सेनेच्या शहाजी बापू पाटील यांनी शेकापच्या गडावर भगवा फडकवला आहे.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.