- ताज्या
- देश
- शहरशहर
- लोकसभा २०२४
- क्रीडा / IPLक्रीडा / IPL
- साप्ताहिक
- Epaper
- सकाळ मनी
- व्हायरल सत्य
- प्रीमियर
- महाराष्ट्र
- आणखीआणखी
- सकाळ +
- वेब स्टोरीज
- ग्लोबल
- ॲग्रोवन
- साम TV
- सरकारनामा
- दैनिक गोमन्तक
सोलापूर : मागील विधानसभा निवडणुकीतील मोदी लाटेला थोपवून करमाळ्यात नारायण पाटील यांनी शिवसेनेचा गड राखला होता. दरम्यान, यंदाच्या विधानसभा निवडणुकीत शिवसेनेचे आमदार वाढावेत म्हणून संपर्कप्रमुख तानाजी सावंत यांच्यावर मातोश्रीने जबाबदारी सोपवली.
निवडणुकीत मोहोळ, करमाळा, सांगोला येथे पक्षप्रमुख उद्धव ठाकरे यांच्या सभा झाल्या. मात्र, जिल्ह्यात शिवसेनेला पाचपैकी एका जागेवर समाधान मानावे लागले आहे. दरम्यान, संपर्कप्रमुख तानाजी सावंत यांनी दिलेले सर्व उमेदवार पडले आहेत.
करमाळ्यात शिवसेनेचे विद्यमान आमदार नारायण पाटील यांना बाजूला करीत राष्ट्रवादीतून शिवसेनेचे दाखल झालेल्या रश्‍मी बागल यांना शिवसेनेने उमेदवारी दिली. तर शहर मध्य विधानसभा मतदारसंघात महेश कोठे यांना डावलून काँग्रेसचे माजी आमदार दिलीप माने यांना उमेदवारी दिली. सांगोल्यातून माजी आमदार शहाजी पाटील यांना तर बार्शीतून राष्ट्रवादीचे आमदार दिलीप सोपल यांना आणि मोहोळमधून भाजपचे नागनाथ क्षिरसागर यांना शिवसेनेने उमेदवारी दिली. मात्र, या सर्वच मतदारसंघात शिवसेनेच्याच नाराजांनी बंडखोरी केली. त्याचा फटका सर्वच उमेदवारांना बसला आणि एकाही उमेदवाराला यश मिळविता आले नाही.
मोहोळमधून मनोज शेजवाल, बार्शीतून भाऊसाहेब आंधळकर, करमाळ्यातून नारायण पाटील, शहर मध्यमधून महेश कोठे यांनी उमेदवारी मागितली होती. मात्र, त्यांना डावलून ऐनवेळी पक्षात आलेल्यांनाच उमेदवारीत प्राधान्य देण्यात आले. त्याचा शिवसेनेला मोठा फटका बसला आहे. बार्शीतून अपक्ष उमेदवार राजेंद्र राऊत, करमाळ्यातून अपक्ष उमेदवार संजय शिंदे, सांगोल्यातून शिवसेनेचे शहाजी पाटील, मोहोळमधून राष्ट्रवादीचे यशवंत माने, तर शहर मध्यमधून प्रणिती शिंदे विजयाच्या उंबरठ्यावर आहेत.
सांगोल्यात सेनेने खाते उघडले
सांगोल्यातून शिवसेनेचे उमेदवार शहाजी पाटील, करमाळ्यातून अपक्ष उमेदवार तथा राष्ट्रवादीचे लोकसभा निवडणुकीतील उमेदवार संजय शिंदे, मोहोळचे राष्ट्रवादीचे उमेदवार यशवंत माने आणि शहर मध्यमध्ये काँग्रेसच्या उमेदवार प्रणिती शिंदे यांचा विजय निश्‍चित आहे.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.