जत येथील नगरपालिकेचे माजी नगरसेवक विजय शिवाजीराव ताड (वय 40) यांच्यावर शुक्रवारी दुपारी दोनच्या सुमारास अज्ञात हल्लेखोरांनी गोळीबार करून, तसेच दगडाने ठेचून निर्घृण खून करण्यात आला.
जत - जत येथील नगरपालिकेचे माजी नगरसेवक विजय शिवाजीराव ताड (वय 40) यांच्यावर शुक्रवारी दुपारी दोनच्या सुमारास अज्ञात हल्लेखोरांनी गोळीबार करून, तसेच दगडाने ठेचून निर्घृण खून करण्यात आला. या घटनेमुळे शहरासह तालुक्यात मोठी खळबळ उडाली आहे. ही घटना जत शेगाव रोडवरील अल्फॉन्सा स्कूल जवळ घडली.
नगरसेवक ताड हे ज्येष्ठ नेते स्वर्गीय शिवाजीराव ताड यांचे सूपुत्र होते. शुक्रवारी दुपारी दोनच्या सुमारास आपल्या घरापासून काही अंतरावर असणाऱ्या अल्फोंसा स्कूल येथे मुलांना घेऊन येण्यासाठी जात असताना, त्यांच्या इनोवा गाडीवर हल्लेखोरानी प्रथम गोळीबार केला. अचानक झालेल्या हल्ल्यामुळे ते गाडीतून पळत जात असताना, त्यांचा पाठलाग करून पुन्हा गोळीबार करत त्यांच्या डोक्यात दगड घालून खून करण्यात आला आहे.
या घटनेनंतर हल्लेखोर पसार झाले आहेत. ही माहिती मिळताच जत शहर व तालुक्यात मोठी खळबळ उडाली. शहरात यामुळे प्रचंड तणाव निर्माण झाला असून पोलिसांनी सर्वत्र चोख बंदोबस्त ठेवला आहे. घटनास्थळी बंदुकीतील काही पुंगल्या ही आढळून आल्या आहेत. हल्ल्याचे कारण मात्र नेमके समजू शकले नाही. जत पोलीस या घटनेचा गतीने तपास करीत आहेत.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.