इस्लामपूर नगरपालिकेसमोर महिलेची शिव्यांची लाखोली

इस्लामपूर नगरपालिकेसमोर महिलेची शिव्यांची लाखोली

इस्लामपूर - विविध विकासकामे नगरपालिकेकडून रखडल्याचा आरोप करत एका महिलेने आज नगरपालिकेच्या समोर उभे राहून सुमारे अर्धा तास शिव्यांची लाखोली वाहिली. कधी नगरसेवक तर कधी मुख्याधिकारी यांच्या नावाने आरोळी देत नगरपालिका बरखास्त करा, बंद करा. मला अटक करा पण लोकांची गैरसोय टाळा, असे म्हणून आपला राग व्यक्त केला. या सर्व घडामोडीत बघ्यांची जोरदार करमणूक झाली. हा प्रकार पाहण्यासाठी अनेकांनी नगरपालिकेकडे धाव घेतली. याबाबतची माहिती इस्लामपूर पोलिस ठाण्यात समजल्यानंतर पोलिसांनी नगरपालिका आवारात येऊन त्या महिलेला पोलिस ठाण्यात नेले.

आज सकाळी साडे अकराच्या दरम्यान ही घटना घडली. नेहमीप्रमाणे नगरपालिका प्रशासनातील अधिकारी व कर्मचारी आपापल्या कामात गुंग होते. तर नगरसेवक अजून यायचे होेते. अचानकच साधारणतः पन्नास वयोगटातील महिलेने नगरपालिका आवारात प्रवेेश केला. नगरपालिकेच्या इमारतीसमोरील झेंड्याजवळ उभा राहत मुख्याधिकारी व नगराध्यक्षांच्या ऑफीसकडे हातवारे करत शिव्याची लाखोली वाहण्यास सुरवात केली.

अचानकच घडलेल्या या घटनेने कर्मचार्‍यांसह नगरपालिका आवारातील  लोक उत्सुकतेने नेमका काय प्रकार आहे, हे जाणून घेण्याचे काम करत होते. या महिलेने ही नगरपालिका काय कामाची नाही, बंद करा, बरखास्त करा, मला अटक करा, असे म्हणून आपला त्रागा व्यक्त केला. अखेर पोलिसांनी नगरपालिका आवारात येत त्या महिलेला ताब्यात घेतले.
 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com