पत्नी, आईच्या पोटात चाकूने भोसकून त्याचा आत्महत्येचा प्रयत्न

karhad
karhad

उंब्रज (सातारा) : घरगुती वादातून पत्नीसह आईच्या पोटात चाकूने भोसकून स्वत:ही आत्महत्येचा प्रयत्न केला. वराडे येथे ही घटना घडली. त्यात पत्नी मोहिणी सागर घोरपडे (वय 32) हीचा उपचारावेळी मृत्यू झाला.

सागर सदाशिव घोरपडे (वय 40) व आई कल्पना (58) दोघे गंभीर आहेत. त्यांच्यावर कऱ्हाड येथील कृष्णा हॉस्पिटलमध्ये उपचार सुरू आहेत. शुक्रवारी मध्यरात्रीच्या सुमारास घटना घडली.

पोलिसांकडून मिळालेली माहिती अशी वराडे  येथे सागर घोरपडे पत्नी मोहिनी व आई कल्पना यांच्यासमवेत राहतात. त्यांच्यात शुक्रवारी रात्री साडेदहाच्या सुमारास वाद निर्माण झाला. त्यातून सागरने पत्नी व आईला राहत्या घरा मागील खोलीत नेले. तेथे त्याने दोघींनाही चाकूने भोसकले. त्यानंतर स्वत:च्या पोटात चाकू भोसकून आत्महत्येचा प्रयत्न केला. यावेळी आरडाओरडा झाल्याने आजूबाजूच्या लोकांनी घराकडे धाव घेतली. त्यांनी जखमी तिघांनाही कऱ्हा़ड येथील रुग्णालयात हलविले. मात्र मोहिनी हिचा उपचारापूर्वीच मृत्यू झाला. तर आई व सागर हे दोघेही गंभीर जखमी आहेत. याची तळबीड पोलीस ठाण्यात नोंद झाली आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com