कडकनाथ फसवणुकीचा तपास आता 'या' शाखेकडे 

सकाळ वृत्तसेवा
बुधवार, 13 नोव्हेंबर 2019

सांगलीतील गुंतवणूकदारास फलटण येथे जाण्यास त्रास होतो म्हणून सांगलीतील शंभरफुटी रस्ता परिसरात कंपनीचे कार्यालय उघडले होते. त्यानंतर जिल्ह्यातील 140 शेतकऱ्यांनी पैसे गुंतवले होते. त्याची रक्‍कम 1 कोटी 54 लाख 66 हजार रुपये इतकी होती.

सांगली - फलटण येथील फूड बर्ड ऍग्रो प्रायव्हेट कंपनीने कडकनाथ कोंबडी पालनप्रकरणी शेतकऱ्यांना सुमारे एक कोटी 54 लाख 66 हजारांची फसवणूक झाली. या गुन्ह्याचा तपास आता आर्थिक गुन्हे शाखेकडे वर्ग करण्यात येणार आहे. तसेच जिल्ह्यातील 140 गुंतवणूकदार शेतकऱ्यांचे जबाब नोंदवून घेतले जाणार असल्याची माहिती पोलिसांनी दिली. 

सावधान ! रत्नागिरी जिल्ह्यात वाढतेय हवेचे प्रदुषण; काय आहेत कारणे ?

अधिक माहिती अशी, की फूड बर्ड कंपनीकडून फसवणूक झाल्याची फिर्याद इसाक अजमुद्दीन पठाण यांनी शहर पोलिस ठाण्यात दिली. त्यानुसार कंपनीचे चेअरमन मोहनराव भालचंद्र निंबाळकर, संचालक योगेश मोहनराव निंबाळकर, गणेश अरविंद निंबाळकर, सुनील अण्णा धायगुडे, राहुल दत्तात्रय ठोंबरे, सुखदेव रामचंद्र शेंडगे, सचिन तुकाराम करे, संजय भगवान भोरे, जॉन्सन क्रिस्तोफर रायचुरी, व्यवस्थापकीय संचालक शौकत मिरासो करीम यांच्यावर गुन्हा दाखल करण्यात आला. 

राजू शेट्टी कशासाठी चालले काश्मिरला ? 

फिर्यादीतील तपशील असा

फिर्यादीत म्हटले आहे, की कंपनीच्या एका युनिटमध्ये 75 हजार रुपयांची गुंतवणूक केल्यास कंपनी 220 कडकनाथ कोंबड्या व दहा महिन्यांचे कोंबडी खाद्य, औषध व भांडी देणार असल्याचे सांगितले होते. सभासदांकडून एका वर्षात कडकनाथ कोबडीची एकूण 8500 अंडी 2 लाख 38 हजार रुपयांना कंपनी खरेदी करणार असल्याचेही सांगितले होते. तसेच एका वर्षात दोन लाख 38 हजारांचा फायदाही गुंतवणूकदारास होईल, असे आमिष दाखवण्यात आले.

Video : पंचगंगातीरी नयनरम्य प्रकाशोत्सव..! 

१४० शेतकऱ्यांनी गुंतवले होते पैसे

सांगलीतील गुंतवणूकदारास फलटण येथे जाण्यास त्रास होतो म्हणून सांगलीतील शंभरफुटी रस्ता परिसरात कंपनीचे कार्यालय उघडले होते. त्यानंतर जिल्ह्यातील 140 शेतकऱ्यांनी पैसे गुंतवले होते. त्याची रक्‍कम 1 कोटी 54 लाख 66 हजार रुपये इतकी होती. फसवणूक झाल्याचे निदर्शनास आल्यानंतर शहर पोलिस ठाण्यात फिर्याद देण्यात आली. आता या गुन्ह्याचा तपास आर्थिक गुन्हे शाखेकडे वर्ग करण्यात येणार आहे.  

पश्चिम घाटात आढळली ही नवी वनस्पती


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: Kadaknath Hen Fraud Case Investigation Follow Up