मनपाचा अतिक्रमणांवर हातोडा

शिंगणापूर नाका - गवत मंडईतील हटविलेली अतिक्रमणे.
शिंगणापूर नाका - गवत मंडईतील हटविलेली अतिक्रमणे.

कोल्हापूर - महापालिकेने शिंगणापूर नाका येथील गवत मंडईत गेल्या ८ ते १० वर्षांपासून  सि.स.नं.१२७७ या जागेत असलेली ६ अतिक्रमणे आज उद्‌ध्वस्त केली. या वेळी मोठा पोलिस बंदोबस्त ठेवला होता. विरोध मोडून काढत महापालिकेने ही कारवाई केली. 

शिवाजी मार्केट विभागीय कार्यालय, अतिक्रमण विभाग व इस्टेट विभागाने आज केलेल्या संयुक्त शिंगणापूर नाका, गवत मंडई येथील महापालिकेच्या सि.स.नं.१२७७ या जागेमध्ये प्रताप जाधव यांचे ३५ बाय १२ या मापाचे विट बांधकाम व मंगलोरी कौलारू घर, आनंदराव जाधव यांचे १० बाय २० चे पत्रा शेड, बाळासाहेब जाधव यांचे १९ बाय २७ जनावरांकरिता असलेले शेड, स्वप्नील जाधव यांचे १५०० चौरस फुटाचे पत्र्याचे शेड, रंजना लोहार यांचे ३३ बाय १६ चे शेड अशी अतिक्रमणे केली होती. ही अतिक्रमणे आज मोठ्या पोलिस बंदोबस्तात हटविण्यात आली. 

या कारवाई वेळी मोठा विरोध झाला तरीही विरोध मोडून काढून सदरची अतिक्रमण कारवाई पूर्ण करण्यात आली. या वेळी लक्ष्मीपुरी पोलिस स्टेशनकडील मोठा पोलिस बंदोबस्त पुरविण्यात आला होता.

कारवाई उपशहर अभियंता एस. के. माने यांच्या मार्गदर्शनाखाली, कनिष्ठ अभियंता रमेश कांबळे, इस्टेट ऑफिसर प्रमोद बराले, अतिक्रमणप्रमुख पंडित पोवार, सर्व्हेअर तानाजी गेजगे, कनिष्ठ लिपिक नितीन चौगुले व पवडी, इस्टेट, विद्युत व अतिक्रमण विभागाकडील कर्मचारी यांनी केली. कारवाईवेळी परिसरात तणाव निर्माण झाला होता.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com