चालकाने प्रसंगावधान ओळखून ही मोटार रस्त्याच्या एका बाजूला नेली.
कोल्हापूर : टेंबलाईवाडी शाळेजवळ आज चालत्या मोटारीने अचानक पेट घेतला. प्रसंगावधान ओळखून चालकाने ही कार रस्त्याकडेला नेऊन त्यातून आपली सुटका करून घेतली. घटनास्थळी अग्निशामक दल दाखल झाले. त्यांनी ही आग वेळीच अटोक्यात आणली.
याबाबत अग्निशामक दलाकडून मिळालेली माहिती, एक पांढऱ्या रंगाची मोटार उचगाव मार्गाच्या दिशेने जात होती. येथील शाळेजवळ या मोटारीने अचानक पेट घेतला. तशी परिसरातील नागरिकांनी ओरडा केला. चालकाने प्रसंगावधान ओळखून ही मोटार रस्त्याच्या एका बाजूला नेली. त्याचबरोबर ते वेळीच मोटारीतून निसटले. याची माहिती समजात घटनास्थळी ताराराणी चौकातील अग्निशामक दलाची गाडी दाखल झाली. जवानांनी ही आग अटोक्यात आणली. पण या आगीत सुमारे ४० हजाराचे नुकसान झाले. ही मोटार साईक्स एक्स्टेशन परिसरातील जितेंद्र पटेल यांची असल्याची माहिती पुढे आली आहे. पण मोटारीला लागलेल्या आगीचे कारण समजू शकले नाही. ही आग अटोक्यात आणण्यासाठी अग्निशामक दलाचे रवी ठोंबरे, माणिक कुंभार, संभाजी ठेपले, उमाजी निकम यांनी परिश्रम घेतले.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.