कौलव येथे बैलगाडी शर्यती फोटोसह

01635

सूरज पाटील यांची बैलजोडी प्रथम
शाहूनगर, ता. १२ ः कौलव (ता. राधानगरी) येथे (कै.) बाळासाहेब कृ. पाटील-कौलवकर यांच्या ३१ व्या पुण्यतिथीनिमित संयोजकांनी घेतलेल्या जनरल बैलगाडी शर्यतीत सूरज पाटील यांनी प्रथम क्रमांक मिळवून तीन फूटी ढाल मिळवली; तर जनरल बैल घोडा शर्यतीत राशिवडेच्या गोट्या पाटील यांच्या गाडीने प्रथम क्रमांक मिळवून पाच फुटी ढाल मिळविली.
शर्यतीचा निकाल ः बैलगाडीत अनुक्रमे नारायण पाटील, पंकज गुरव यांच्या गाड्यांना दोन फुटी ढाल, एक फुटी ढाल बक्षीस देण्यात आले. बैलघोडागाडीत दिलीप वाडकर यांच्या गाडीने द्वितीय क्रमांक मिळवून तीन फुटी ढाल मिळवली; तर तिसरा क्रमांक केरबा पाटील आणि महादेव जाधव यांना विभागून देण्यात आला. शर्यतीचे उद्‍घाटन सुरेश कुराडे, शंकर पाटील, उदयसिंह पाटील, रविश पाटील यांच्या हस्ते करण्यात आले. राष्ट्रवादी काँग्रेसचे जिल्हाध्यक्ष ए. वाय. पाटील, जिल्हा परिषदेचे माजी अध्यक्ष राहुल पाटील, ‘स्वाभिमानी’चे प्रदेशाध्यक्ष जालंदर पाटील, बोंद्रे बॅंकेचे अध्यक्ष राजेश पाटील याच्या हस्ते विजेत्यांना पारितोषिक देण्यात आले.