मटका अड्ड्यांवर छापे

पाटणे फाटा परिसरात
मटका अड्ड्यांवर छापे
चंदगड पोलिसांची तीन ठिकाणी कारवाई
सकाळ वृत्तसेवा
चंदगड, ता. १८ ः येथील पोलिसांनी पाटणे फाटा (ता. चंदगड) परिसरातील मटका अड्ड्यांवर छापे टाकून संशयितांवर गुन्हा नोंद केला. त्यांच्याकडून मटक्यासाठी वापरण्यात येणारा मुद्देमाल व रोकड जप्त केली.
तिलारीकडे जाणाऱ्या मार्गावर साईप्रेमी हॉटेलच्या मागे टाकलेल्या छाप्यात ५ हजार ८७ रुपयांचा मुद्देमाल जप्त करण्यात आला. त्यामध्ये १ हजार ८० रुपये रोख रक्कम आहे. संशयित राजू भिकू नाईक व युवराज कृष्णा नाईक (दोघेही रा. हलकर्णी, ता. चंदगड) यांच्यावर गुन्हा नोंद करण्यात आला. याच परिसरात टाकलेल्या दुसऱ्या छाप्यात संशयित धाकलू तुकाराम नाईक (रा. हलकर्णी, ता. चंदगड) व हेमंत ऊर्फ कुमार तुकाराम पाटील (रा. तावरेवाडी, ता. चंदगड) यांच्यावर गुन्हा नोंद करण्यात आला. हेमंतच्या सांगण्यावरून धाकलू हा अड्डा चालवत होता. त्याच्याकडे १ हजार ६० रुपये रोख व इतर साहित्य मिळून ५ हजार ६७ रुपयांचा मुद्देमाल जप्त करण्यात आला. पोलिस कॉन्स्टेबल दत्तात्रय पाटील व संदीप कांबळे यांनी फिर्याद दिली. उपनिरीक्षक नाईक तपास करीत आहेत.