रस्त्याचे काम सुरु

रखडलेल्या
रस्त्याचे
डांबरीकरण सुरु

धामोड, ता.९: म्हासुर्ली ते पखालीवाडी (ता.राधानगारी) येथील रखडलेल्या रस्त्याचे डांबरीकरणाचे काम सुरु झाले आहे. मागील दोन वर्षांपासून हे काम रखडलेले होते. सार्वजनिक बांधकाम विभागाला या रस्त्याकडे लक्ष द्यायला अखेर मूर्हूत सापडल्याने ग्रामस्थांतून समाधान व्यक्त होत आहे. गेल्या दोन वर्षापूर्वी निकृष्ट काम झाल्याने ग्रामस्थांनी हे काम बंद पाडले होते. त्यामुळे हे काम रखडले गेल्याने या रस्त्याची दूरवस्था झाली होती. या मार्गावरुन प्रवास करणे जिकीरीचे बनले होते. रस्त्यावरून प्रवास करणारे नागरिक मेटाकुटीला आले होते. रस्त्यात सर्वत्र खड्डे पडल्याने अपघाताच्या प्रकारात वाढ झाली होती. सद्या काम सुरु झाल्याने रखडलेला रस्त्याचा प्रश्न मार्गी लागला.