गारगोटी : क्राईम दोघे जखमी

मडिलगे बुद्रुकला
मारहाणीत दोघे जखमी
गारगोटी, ता. २८ : मडिलगे बुद्रुक येथे चारचाकी वाहन उभे करण्याच्या कारणावरून दोघांना मारहाण झाली. यात दोघे जखमी झाले. तर याप्रकरणी मारहाण करणाऱ्या दोघांवर भुदरगड पोलिसांत गुन्हा नोंद झाला आहे.
पोलिसांनी सांगितले की, मडिलगे बुद्रुक येथील शिवाजी चौकात रमेश रामराव तिकोडे यांनी आपली मोटार उभी केली होती. येथे मोटार का उभी केली या कारणावरून मनोज बाबूराव देवळे (वय ३९) यांनी रमेश तिकोडे यांना फोन करून धमकी दिली. तर त्याचा भाऊ दीपक बाबूराव देवळे याने मोटार नेत असता रमेश तिकोडे यांना शिवीगाळ करीत डोक्यात काठीने मारहाण केली. तसेच रमेश यांचा चुलत भाऊ प्रवीण नारायण तिकोडे यांच्या डोक्यात लोखंडी रॉडने मारहाण करून गंभीर जखमी केले. प्रवीण तिकोडे यांना डोक्यात गंभीर दुखापत झाल्याने गारगोटी ग्रामीण रुग्णालयात प्रथमोपचार करून तातडीने कोल्हापूरच्या शासकीय रुग्णालयात दाखल केले. याप्रकरणी मनोज बाबूराव देवळे व दीपक बाबूराव देवळे या दोघा भावांवर भुदरगड पोलिसांत गुन्हा दाखल झाला आहे.