छत्रपती सोसायटी चेअरमनपदी मुल्ला

छत्रपती सोसायटी चेअरमनपदी मुल्ला
हातकणंगले ः आळते (ता. हातकणंगले) येथील छत्रपती विकास सेवा संस्थेच्या चेअरमनपदी गुलाब बापू मुल्ला यांची, तर व्हाईस चेअरमनपदी वसंत पारिसा जनगोंड यांची एकमताने निवड केली. निवडीनंतर समर्थकांनी गुलालाची उधळण व फटाक्यांची आतषबाजी करत आनंद साजरा केला. छत्रपती विकास सेवा संस्था, आळते या संस्थेची पंचवार्षिक निवडणूक नुकतीच बिनविरोध झाली आहे. संस्थेत गुलाब बापू मुल्ला, आण्णासो बाळू मजलेकर, आप्पासो तातोबा मजलेकर, अनिल बाबासो चव्हाण, सुकुमार भूपाल चौगुले, वसंत पारिसा जनगोंड, संजयकुमार जिनगोंडा पाटील, बाळासो भुजाप्पा टारे, जयसिंग नाना कांबळे, आण्णासो जिवबा दगडे, शीतल नेमिनाथ शेटे, भारती रावसो चौगुले आणि सुवर्णा नरसगोंडा पाटील या तेरा जणांची संचालक म्हणून बिनविरोध निवड झाली आहे.