मजलेसाठी पाच कोटींची नळयोजना

मजलेसाठीच्या योजनेस
तत्वतः मान्यता ः इंगवले

हातकणंगले, ता. १२ ः अनेक वर्षांपासून पाणीटंचाईच्या झळा सोसणाऱ्या हातकणंगले तालुक्यातील मजले गावाला जलजीवन मिशनअंतर्गत ४ कोटी ९१ लाखांच्या पाणी योजनेस तत्वत: मान्यता मिळाली आहे. अंतिम मंजुरीसाठी जिल्हा परिषदेमार्फत प्रस्ताव पाठवला आहे, अशी माहिती जिल्हा परिषदेचे माजी गटनेते अरुण इंगवले यांनी दिली. यासोबत जिल्ह्यातील आणखी चार योजनांचे प्रस्तावही पाठवल्याचे त्यांनी सांगितले. त्यामुळे येथील ग्रामस्थांची पिण्याच्या पाण्यासाठी सुरू असलेली परवड लवकरच थांबणार आहे.
पुणे येथील जलजीवन मिशन तांत्रिक छाननी समितीच्या मान्यतेने गुरुवारी कोकण भवन मुंबई येथे तांत्रिक मान्यतेसाठी जिल्हा परिषद प्रशासक संजयसिंह चव्हाण, कार्यकारी अभियंता ढगे यांच्यामार्फत प्रस्ताव पाठवल्याची माहिती श्री. इंगवले यांनी दिली.
--------------
कार्यकाळात मजलेसाठी कोणत्याही परिस्थितीत पाणी योजना सुरू करायची असा निश्चिय केला होता. सातत्याने पाठपुरावा केल्याने एक टप्पा पूर्ण झाला.
-अरुण इंगवले, माजी जिल्हा परिषद सदस्य.