अधिकाऱ्यांचा निषेध..

हातकणंगलेत सभेला
अधिकाऱ्यांची दांडी
हातकणंगले, ता. २२ ः हातकणंगले शहरामध्ये घाणीचे साम्राज्य पसरल्याने साथीच्या रोगाचा प्रादुर्भाव वाढत आहे. यामध्येच डेंगीमुळे कालच एका महिलेचा मृत्यू झाल्याने जाग्या झालेल्या पदाधिकाऱ्यांनी आज विशेष सभेचे आयोजन केले होते. मात्र या सभेस मुख्याधिकाऱ्यासह सर्वच अधिकाऱ्यांनी दांडी मारली. सभेस अधिकाऱ्यांनी उपस्थित राहण्याने आदेश जिल्हाधिकाऱ्यांनी दिला होते. आज नगरपंचायतीची विशेष सर्वसाधारण सभा बोलिवली होती. सभेला नगराध्यक्षांसह नगरसेवक उपस्थित होते. मात्र मुख्याधिकाऱ्यांसह सर्वच अधिकारी अनुपस्थित राहिल्याने कोणताच निर्णय न घेता अधिकाऱ्यांचा निषेध करून सर्वसाधारण सभा तहकूब केली. याबाबत जिल्हाधिकाऱ्यांकडे तक्रार दाखल करणार असल्याचे पदाधिकाऱ्यांनी पत्रकात म्हटले आले.