कोरोचीत घराचे कुलूप तोडून एक लाख 19 हजार रुपयाची चोरी

कोरोचीत घराचे कुलूप तोडून
सव्वा लाखाची चोरी

इचलकरंजी, ता: २२ः कोरोची (ता. हातकणंगले) येथे घराचे कुलूप तोडून चोरट्याने सव्वा तोळे सोन्या -चांदीचे दागिने व रोख ६५ हजार रुपये असा एकूण एक लाख १९ हजार रुपयांचा मुद्देमाल लंपास केला. याबाबतची तक्रार रवींद्र मारुती कांबळे (वय ४९ रा. इंदिरानगर , कोरोची) यांनी शहापूर पोलिस ठाण्यात दिली आहे. ही घटना रविवारी दुपारी तीनच्या सुमारास घडली.
पोलिसातून मिळालेली माहिती अशी ,रवींद्र कांबळे हे आपल्या कुटुंबीयांसोबत बाहेरगावी गेले होते. या दरम्यान अज्ञात चोरट्याने कांबळे यांचे घराचे कुलूप तोडून लाकडी कपाटातील सुमारे ४० हजार रुपयांचे दहा ग्रॅम वजनाचे सोन्याचे मिनी गंठण, सुमारे नऊ हजार रुपयांचे तीन ग्रॅम वजनाचे मनी व लॉकेट, चांदीचे पैंजण व रोख ६५ हजार रुपये असा मुद्देमाल लंपास केल्याचे फिर्यादीत म्हटले आहे.