इचलकरंजीत नवे सिग्नल सुरू

इचलकरंजीत नवे सिग्नल सुरू
इचलकरंजी, ता. २ : शहरातील नव्या ठिकाणची सिग्नल यंत्रणा कार्यान्वित केली. छत्रपती शिवाजी महाराज पुतळा आणि छत्रपती शाहू महाराज पुतळा या दोन्ही ठिकाणची सिग्नल यंत्रणा कार्यान्वित झाली. नगरपालिकेचे प्रशासक तथा मुख्याधिकारी डॉ. प्रदीप ठेंगल, वाहतूक शाखेचे वाहतूक सहाय्यक पोलिस निरीक्षक विकास अडसूळ यांची उपस्थिती होती. मुख्याधिकारी डॉ. ठेंगल यांनी शहरवासीयांनी सिग्नल यंत्रणेचे तंतोतंत पालन करुन वाहतूक सुरळीत होण्यासाठी सहकार्य करावे, असे आवाहन केले. उपमुख्याधिकारी केतन गुजर, कामगार अधिकारी विजय राजापुरे, विद्युत अभियंता अभिषेक काटकर, शाखा अभियंता अशोक माने, अतिक्रमण विभाग प्रमुख एम. एस. चाबुकस्वार आदी उपस्थित होते.