हरोलीत शनिवारपासून यात्रा

हरोलीत शनिवारपासून यात्रा
जयसिंगपूर ः हरोली (ता. शिरोळ) येथे शनिवारपासून (ता. ७) हलसिध्दनाथ देवाची यात्रा सुरू होणार आहे. शनिवारी हलसिध्दनाथ मंदिर कमानीचे उद्‍घाटन, सत्यनारायण पूजा, कमानीस कळस बसवणे व वालुग गोळा होणार आहे. रविवारी धनगरी ढोलवादन स्पर्धा, पहाटे महाभिषेक, सत्यनारायण पूजा, पालखी मिरवणूक, तसेच भगवान डोणे महाराज यांच्या भाकणुकीचा कार्यक्रम होणार आहे. त्याचबरोबर महाप्रसाद व हलसिध्दनाथ गजनृत्य यांच्याकडून गजनृत्य कार्यक्रम होणार आहे, अशी माहिती समस्त धनगर समाजाच्या वतीने देण्यात आली.