उदगाव कन्या विद्या मंदिरचे यश

उदगाव कन्या विद्यामंदिरचे यश
जयसिंगपूर : कोल्हापूर जिल्हा परिषद अंतर्गत झालेल्या प्रज्ञाशोध चाळणी परीक्षेत उदगाव (ता. शिरोळ) येथील कन्या विद्यामंदिरने यश मिळविले. वेदिका राजाराम बंडगर हिने तालुक्यात तिसरा व बीडीएस परीक्षेत सुवर्णपदक मिळविले. कोल्हापूर जिल्हा परिषदेकडून प्रज्ञाशोध चाळणी परीक्षा घेण्यात आली. यात आर्या महेशकुमार चौगुले, पूर्वा महेश मडिवाळ, अंजली कुबेर बंडगर, विभावरी बंडेश कोळी, मसिरा मोहसीन मुजावर, पूर्वा प्रकाश पुजारी, पायल दीपक सूर्यवंशी, निधी नितीन पाटील, सेजल सुशांत मादनाईक, प्रीती प्रवीण मडिवाळ, तनिष्का सुनील सुतार, देवयानी अशोक खांडेकर, ज्योती सुभाष बनहट्टी, सौम्या सचिन कोळी, अन्वी दत्तात्रय जाधवर यांनी यश मिळविले. विद्यार्थिनींना मुख्याध्यापक आप्पासो हुलिकिरे, शिक्षिका अंजना ढेपे, अस्मिता मलाबादे, संजय धुमाळ यांचे मार्गदर्शन लाभले. शाळा व्यवस्थापन समिती व सर्व पालकांतर्फे गुणवंतांचा सत्कार करण्यात आला. या वेळी बंडेश कोळी, सुनील बनहट्टी यांच्यासह पालक उपस्थित होते.