उद्योजकांसाठी बुधवारी नांदणीत कार्यक्रम | Sakal
sakal

बोलून बातमी शोधा

उद्योजकांसाठी बुधवारी नांदणीत कार्यक्रम
उद्योजकांसाठी बुधवारी नांदणीत कार्यक्रम

उद्योजकांसाठी बुधवारी नांदणीत कार्यक्रम

sakal_logo
By

उद्योजकांसाठी बुधवारी नांदणीत कार्यक्रम
राहुल रेखावार; शासकीय योजनांचा लाभ घेण्याचे आवाहन
जयसिंगपूर, ता. ७ : उद्योजक व नवउद्योजकांसाठी बुधवारी (ता. १०) मार्गदर्शन कार्यक्रमाचे आयोजन केले आहे. नांदणी (ता. शिरोळ) येथे सकाळी साडेदहा ते चार यावेळेत होणाऱ्या या कार्यक्रमात नागरिकांनी शासकीय योजनांचा लाभ घ्यावा, असे आवाहन जिल्हाधिकारी राहुल रेखावार यांनी केले आहे.
शासनाच्या विविध विभागांच्या उद्योग व व्यवसायासाठी कर्ज उपलब्ध करून देणाऱ्या शासकीय योजनांची माहिती व त्याचा लाभ शिरोळ तालुक्यातील नागरिकांना व्यापक स्वरुपात व्हावा या उद्देशाने उद्योजक व नवउद्योजकांसाठी मार्गदर्शन करण्यासाठी हा कार्यक्रम आयोजित केला आहे.
कार्यक्रमास विविध विभागाचे अधिकारी, कर्मचारी त्यांच्या विभागाचे माहितीपत्रक, सर्व योजनेचे कर्ज मागणी अर्ज, ऑनलाईन योजनेसाठी संबंधित तपशील व माहिती घेऊन या योजनांचा लाभ घेतलेले यशस्वी उद्योजकांसह उपस्थित राहतील. जिल्हा अग्रणी बँक, जिल्हा उद्योग केंद्र, जिल्हा ग्रामीण विकास यंत्रणा, कृषी विभाग राज्य स्तर, नाबार्ड, महाराष्ट्र राज्य ग्रामीण जीवनो उन्नती अभियान विभाग, जिल्हा रेशीम कार्यालय, मत्स्य व्यवसाय विभाग, महाराष्ट्र राज्य खादी व ग्रामोद्योग मंडळ, सारथी संस्था, महिला आर्थिक विकास महामंडळ, अण्णासाहेब पाटील आर्थिक विकास महामंडळ, मौलाना आझाद अल्पसंख्याक आर्थिक विकास महामंडळ, महात्मा फुले मागासवर्ग विकास महामंडळ, साहित्यरत्न लोकशाहीर अण्णा भाऊ साठे विकास महामंडळ, संत रोहिदास चर्मोद्योग व चर्मकार विकास महामंडळ, वसंतराव नाईक विमुक्त जाती व भटक्या जमाती विकास महामंडळ, महाराष्ट्र राज्य इतर मागासवर्गीय वित्त आणि विकास महामंडळ, महाराष्ट्र राज्य दिव्यांग वित्त आणि विकास महामंडळ आदी विभाग यात सहभागी होणार आहेत. अर्जदारांनी जात प्रमाणपत्र, आधार कार्ड, जन्म तारखेचे प्रमाणपत्र, उत्पन्नाचे प्रमाणपत्र, रहिवासी प्रमाणपत्र, रेशन कार्ड, बँक पासबुक इत्यादी कागदपत्रांची मूळ प्रत व एक झेरॉक्स प्रत घेऊन उपस्थित रहावे.
विभागाचे अधिकारी त्यांच्या विभागांच्या योजनाबद्दल सविस्तरपणे माहिती देतील. माहिती पत्रक व कर्ज मागणी अर्ज उपलब्ध करून देतील; तसेच आवश्यकतेनुसार त्याच ठिकाणी कर्ज प्रस्ताव दाखल करून घेतील किंवा उर्वरित कागदपत्राबद्दल मार्गदर्शन करतील. शासनाच्या अनेक कर्ज पुरवठा योजनांची माहिती एकाच छताखाली त्याच वेळी मिळणार आहे.

Web Title: Todays Latest Marathi News Jsp22b02978 Txt Kopdist Today

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..