घोडावत ॲकॅडमीतर्फे गुणवंतांचा सत्कार

घोडावत ॲकॅडमीतर्फे गुणवंतांचा सत्कार
जयसिंगपूर, ता. १७ : संजय घोडावत आयआयटी व मेडिकल अकॅडमी कोल्हापूर शाखेच्या विद्यार्थ्यांनी यशाची परंपरा कायम राखत जेईई, नीट व सीईटी परीक्षेत यश संपादन केले. गुणवंत विद्यार्थ्यांचा सत्कार अकॅडमीचे संचालक श्रीनिवास कोंडुती यांच्याहस्ते झाला. यावेळी अकॅडमीचे सेंट्रल झोनल हेड श्रीधर गुप्ता, राहुल पाडळकर, नागेंद्र राव, सुनिल हराळे उपस्थित होते.
जेईई, नीट व सीईटी परीक्षांमध्ये उच्चांकी निकालाची परंपरा ॲकॅडमीने जपली आहे. कोल्हापूर शाखेच्या २० विद्यार्थ्यांनी जेईई - नीट-२०२२ परीक्षेत यश संपादन केले आहे. अकॅडमीचे प्रणव सुतार (आयआयटी जम्मु), हर्षवर्धन शिंदे (सीओएपी पुणे), सिद्धेश धनलोबे (गव्हर्नमेंट कॉलेज, कराड), परेश जैन (एस जी आर ए सोलापूर), राज ओसवाल (केव्हीटीआरए धुळे), वैष्णवी जाधव ( केएएमसीएच संकेश्वर) येथे प्रवेश मिळवून यश संपादन केले. यशाबद्दल बोलताना अकॅडमीचे संचालक वासू म्हणाले, ‘आजवर उच्चांकी निकालाच्या जोरावर पालकांचा व विद्यार्थ्यांचा विश्वास आम्ही सार्थ ठरवला आहे. विद्यार्थ्यांनी घेतलेली मेहनत व स्टाफने दिलेल्या योगदान याच्या जोरावरच हे यश मिळाले आहे. यापुढेही ॲकॅडमीची यशस्वी वाटचाल चालू राहील याचा उपस्थितांना विश्वास दिला. ॲकॅडमीचे अध्यक्ष संजय घोडवत, विश्वस्त  विनायक भोसले यांनी या यशाबद्दल गुणवंत विद्यार्थ्यांचे आणि शिक्षकांचे अभिनंदन केले.